岩鹽日本料理 (MOKO新世紀廣場)

Open Now

Now Closed

今日黎到MOKO買生日禮物比朋友, 順便食埋DINNER~我地揀左日本菜 -岩鹽~先點左清酒煮花甲，超肥美大粒又鮮甜~～ 點左幾款壽司: 三文魚、赤蝦、火灸牛油帶子，壽司即叫即整，非常新鮮。三文魚牛油果米子卷，好香既牛油果，岩岩熟，三文魚都好鮮美。炸軟穀蟹，好香口，而且炸得唔錯，唔會好粉，食到脆卜卜。香草燒羊架，熱辣辣，好JUICY，食落有咬口感，啖啖肉，正！最後我地仲SHARE 左個蒲燒鰻魚釜飯定食，入面鰻魚好豐富，而且個汁甜甜地，食落好滿足。我地仲一人點左一杯梳打，蘋果醋同青檸梳打，清新唔錯。OVERALL 坐得舒服, 價錢又合理, 好岩傾計慢慢坐既好地方。