Video
Read full review
2014-07-29
1047 views
今日中午一行5人走到新裝修不久嘅新世紀廣場購物，行到點幾鐘大家開始肚餓，朋友提議上3樓嘅Food Court覓食，起初以為Food Court供應嘅食物質素只行一般貨色，但居然喺旺記冰室搵到新派中、西、日式食物但又不失上世紀70、80年代香港情懷 每份出品製作都非常認真。我點咗一份白汁黑松露雜菌天使麵，估唔到冰室可以享用到意大利餐廳上等食材，未入口已經聞到一陣陣濃烈嘅黑松露味，配菜款式好多，包括有紅椒、黃椒、青椒、翠玉瓜及雜菌等等，色彩繽紛，忌廉汁入口好滑，麵身細嫰，可以話色、香、味俱全。 鯛魚炒飯，即叫即炒，誠意萬分，上碟熱辣辣、香噴噴 ，飯炒得好乾身唔會有油膩感，鯛魚無腥味，相信師傅喺醃製時下咗唔少功夫。西多士，蛋味好香，炸得金黃色，入口鬆脆，相信係好多人去冰室必食之選。焗豬扒飯，可以話係鎮店之寶，蕃茄汁好濃郁但唔會重口味，面頭仲有一片芝士襯托、豬扒入口有口感但唔會韌 好入味，質素絕對高於某大型連鎖快餐店所號稱嘅＜一哥焗豬扒飯＞臨走時見到負責人，先驚覺原來係幾年前喺旺角打桌球嘅波友Tony，原來佢係1970年代秀茂坪旺記冰室嘅第三代傳人，佢話希望喺旺角呢個Food Cour
我點咗一份白汁黑松露雜菌天使麵，估唔到冰室可以享用到意大利餐廳上等食材，未入口已經聞到一陣陣濃烈嘅黑松露味，配菜款式好多，包括有紅椒、黃椒、青椒、翠玉瓜及雜菌等等，色彩繽紛，忌廉汁入口好滑，麵身細嫰，可以話色、香、味俱全。
鯛魚炒飯，即叫即炒，誠意萬分，上碟熱辣辣、香噴噴 ，飯炒得好乾身唔會有油膩感，鯛魚無腥味，相信師傅喺醃製時下咗唔少功夫。
西多士，蛋味好香，炸得金黃色，入口鬆脆，相信係好多人去冰室必食之選。
焗豬扒飯，可以話係鎮店之寶，蕃茄汁好濃郁但唔會重口味，面頭仲有一片芝士襯托、豬扒入口有口感但唔會韌 好入味，質素絕對高於某大型連鎖快餐店所號稱嘅＜一哥焗豬扒飯＞
臨走時見到負責人，先驚覺原來係幾年前喺旺角打桌球嘅波友Tony，原來佢係1970年代秀茂坪旺記冰室嘅第三代傳人，佢話希望喺旺角呢個Food Court一角延續到上世紀冰室情懷，凡事親力親為，不假手於人，但Tony表示行業競爭激烈，所以定期會同員工開會作出檢討，亦不斷加入一啲新元素、新式嘅食材吸引一班年輕食客，並會對前線員工服務態度有一定要求，希望令食客留下深刻印象。
Post
