Video
Read full review
2015-09-30
7536 views
今日我黎堅尼地城呢邊探下朋友順便周圍行下，點知玩下玩下又到左食飯時間，跟住就同佢落街睇下有咩食喇，之後過左無幾耐就見到呢間潮福，之前係MK都有見到想試一直無去到，今日咁岩見到於是就即刻同朋友入去試下同睇下好唔好食。一入到門口，就看到濃濃的蒸氣同埋聞到蒸海鮮味。之後我地就開左個靚位，一坐低就見到個好似粗繩帽咁嘅野，真係好鬼新奇。之後我就食住花生坐定定睇下餐牌有咩食咁，點知一睇發現原來都真係幾多野食下，有好多款海鮮，肉或者青菜，真係令人花多眼亂。跟住朋友同我就發揮左我地大胃王嘅本色，叫左好多唔同類型嘅肉同海鮮，再加埋個細嘅排骨粥底。等左無耐，首先係個粥底黎先，侍應將所有材料放入煲底，不過呢度有樣野好特別嘅就係餐廳一開始係唔會加入去架，倒晒啲材料入去之後侍應就開了蒸氣爐，當蒸氣爐預備好可以開始煮我們的晚餐時粗繩帽就會透出一些蒸氣，就好似話俾我地聽I am ready一樣。跟住職員就將我地嘅第一味海鮮(鈕西蘭鑽石蜆)放左入去蒸，跟住過左一陣就蒸好了，當一打開粗繩帽，就見到隻隻蜆都開晒蓋，之後放入口時完全食得出蜆果種鮮味，根本完全唔需要點其他調味料，淨係食佢本身個味都已經好足夠。係我地食緊嘅同時
一入到門口，就看到濃濃的蒸氣同埋聞到蒸海鮮味。
之後我地就開左個靚位，一坐低就見到個好似粗繩帽咁嘅野，真係好鬼新奇。
之後我就食住花生坐定定睇下餐牌有咩食咁，點知一睇發現原來都真係幾多野食下，有好多款海鮮，肉或者青菜，真係令人花多眼亂。跟住朋友同我就發揮左我地大胃王嘅本色，叫左好多唔同類型嘅肉同海鮮，再加埋個細嘅排骨粥底。
等左無耐，首先係個粥底黎先，侍應將所有材料放入煲底，不過呢度有樣野好特別嘅就係餐廳一開始係唔會加入去架，倒晒啲材料入去之後侍應就開了蒸氣爐，當蒸氣爐預備好可以開始煮我們的晚餐時粗繩帽就會透出一些蒸氣，就好似話俾我地聽I am ready一樣。
跟住職員就將我地嘅第一味海鮮(鈕西蘭鑽石蜆)放左入去蒸，跟住過左一陣就蒸好了，當一打開粗繩帽，就見到隻隻蜆都開晒蓋，之後放入口時完全食得出蜆果種鮮味，根本完全唔需要點其他調味料，淨係食佢本身個味都已經好足夠。
係我地食緊嘅同時侍應亦將我地嘅鈕西蘭蟶子王放左入去蒸， 一如頭先上枱嘅情況，鈕西蘭蟶子王入口真係好鮮甜，肉質亦都夠晒彈牙。
食左兩味海鮮，我地轉左下口味，叫侍應幫我們先蒸和牛，我們原本以為都一樣粗繩帽蓋住，點知職員話唔需要，見佢個純熟嘅手法真係好快就整好左啲和牛，跟住和牛未入口都聞到果陣牛肉香味，之後一入口就食到濃濃的牛肉味，但又唔會過熟，軟身之餘又唔會咬唔開。
食完個咁鮮嫩嘅和牛之後，我地就繼續海鮮之旅，今次就輪到龍蝦，侍應好悉心咁係龍蝦蒸完後放到我嘅碟上邊，龍蝦入口啖啖肉，而且由於龍蝦伴有一點蒜蓉，跟住小小的蒜蓉味令龍蝦更為惹味。
之後呢個蒜蓉肉蟹蒸糯米飯真係好特別，真係第一次見到咁樣去蒸糯米飯，蒸左大約8分鐘左右就出爐喇，糯米飯吸晒蟹嘅精華，又香，味道又夠濃。蟹肉又唔會太老，依然十分嫩滑。
食晒所有野之後你以為今餐已經完左? 其實未架，下面之前落嘅料已經變一煲好鮮甜嘅粥，因為佢集合晒所有我地今晚食過海鮮同肉嘅精華，因為佢地蒸嘅過程流出黎嘅「汗」完全入晒粥裡面，所以呢煲弼又甜又綿，真係超正架。。。今日黎試呢個蒸海鮮真係比我想像中更新穎，更好味，希望下次再黎佢會有更多唔同嘅菜款喇~~~~
Post
