潮福蒸氣石鍋 (Closed)

其實自己一直好少打食評，但泥到d姨姨服務實在太好，太有禮貌首先，啤酒係任飲，實在太化算了，以後d肉類丸精係任食，我覺得已經好正，仲要好容易預約，前不天打黎就有位

兩年前食過水準可以，今次再食差到不得了，唔知道係咪因爲平日，果晚得四枱客，待應落單上菜又亂，食物水準十分一般，而最後個粥底可以鹹到一個點，完全食唔落。又貴又唔抵食。不會再光顧.....

今次食豪啲 食海鮮蒸氣鍋🍲打邊爐最適合一班朋友傾計吹水 坐既時間夠晒長 雖然話就話用餐時間2.5hrs 但個場唔滿都唔會趕人走 慢慢坐到收舖都可以 仲要啤酒汽水都係任飲 真係可以有排坐呀首先粥底方面 選擇了《南瓜排骨粥》 去到最尾才品嚐 粥內包含海鮮啲精華 食落份外鮮甜 即使幾飽都可以食得落碗粥《蒸氣海鮮餐》每人包以下定量食物：一盎《滋潤燉湯》：雖然表面浮油 但飲落去清甜既冬瓜湯 好滋潤半隻《紅燒乳鴿》皮脆肉嫩 輕輕一扯便能齒開半隻《生猛龍蝦》已一開二既龍蝦 好輕易便能起到成舊肉出黎食 啖啖龍蝦肉 口感豐富《貝殼盛盆》每人都可以分到4/5隻貝殻 沒有沙 鮮甜的味道《安格斯牛肉》薄切牛肉 肉質鮮嫩 牛味十足以下係自選4款海鮮中揀：《生猛海蟹》先拆蟹蓋 都有唔少蟹膏 無腥臭味 唔錯 蟹腳都有肉食下 可以輕易就拆出成舊蟹肉😍《新鮮貴妃蚌》大大隻 鮮甜又Juice 好想食多隻添《新鮮蟶子皇》爽口彈牙 唔會韌到咬唔開《生猛鮮鮑魚》手掌心大小 肉質彈牙 口感豐富 唔會似食緊擦子膠😂食完主菜 海鮮套餐後 除左食粥 仲有啲任食既配料俾大家再戰 都係啲丸餃蔬菜 用蒸既方式整 多左種茶樓既味道 感覺更健康

海鮮質素非常一般, 388掛名任點任食， 限時兩個半鐘， 一碟醬油收20元， 埋單每人450, 有點不值。 除了基本套餐海鮮， 我們一行六人第一次order了幾粒肉丸同蔬菜， 足足等了三十分鐘， 蒸肉丸同蔬菜又用了20多分鐘， 等候期間我們已經立即作第二次order ~馬拉糕同薑汁糕， 又等多20分鐘， 還未開始蒸甜品, 正過糕還有一鍋粥未吃, 一名白衫侍應臭著嘴臉, 催趕我們埋單， 要我們即時交枱。 我們會記住這間酒家，永不幫親。

到過潮福很多次 幾個月沒來 發現自助餐牌加價 沒有了乳鴿 牛肉和雞肉也變成定量而非自助。飲料的品種也減少到很少的幾款。物價上漲加價和餐牌變動都可以理解，但海鮮質素較以前打了非常大折扣！蜆：蒸上時沒有按時間，導致過熟，且並不新鮮。龍蝦：size較之前細小一些，但算新鮮紮實。蟶子：變小只不說，非常不新鮮！霉味 腥臭，投訴後要求換了新鮮的給我，店家明明有好貨卻故意不控制出品的標準。鮑魚：正常，但沒有切花刀了。元貝：算正常，粉漿略重。雞肉感覺沒有以前的嫩滑，牛肉蔬菜等算正常，但粟米是肉眼可見佈滿爛粒，無奈。服務：蜆忘記按秒錶導致過熟，菜心按了時間但明顯蒸過頭導致變黃變爛。元貝蒸完發現沒有熟透再回蒸。感覺服務並沒有培訓好，蒸汽海鮮最重要就是時間的掌控，這一點這次很不ok。以及，過往來吃都會很勤力換碟，現在給一個大盆叫客人自己放置骨殼進去為了減少換碟次數？多次要自己要求才得到換碟。散叫自助都吃過幾次以往都很滿意，這次的自助很失望，食物和服務水準下降太多了⋯

2019年起佢哋安格斯牛肉冇得任點，變咗只係每人比幾塊，但係價錢冇變，咁樣三百幾蚊就真係一啲都唔抵食，呢個質素同食物種類，絕對唔使呢個價錢出邊大把地方食到，咁樣轉左餐牌樓下又冇通知，Book位前又冇通知，坐低左先至知道....

3，4年前食過一次，8個人食完每人6百幾埋單，當時覺得真心5抵，到今次同事話無耐之前食過5錯，唯有再試多次，結果出人意表。今次係食任食，先講員工態度非常好，我地其中一人其實係食素既，呀姐見到左之後成日問住佢夠5夠飽，又拎左好多菜尼，而且都要有加插先菜比佢食住先再蒸海鮮，令我地非常感動，其他員工都非常有禮貌而且有互動，感覺非常好再講海鮮的確5錯，新鮮，鮮味，而家加埋個粥底真係攬住個肚走，好彩最尾都有尼到，完全平反左之前既印象

點了海鮮餐，包6款海鮮，四款自選，龍蝦開邊最好食，另外包埋燉湯、乳鴿、任食包括肥牛、各手打丸、馬拉糕、薑汁糕、各款蔬菜，蒸鷄等，食完仲有粥底，好豐富，汽水啤酒任飲，竹庶矛根也特別為我們坐熱，好掂心今次比現金仲有花甲送，大大隻。有專人為每款海鮮計時蒸，到時候會鬧鐘響，伙記會為每人送上碟，好掂心，每款海鮮都好新鮮，蒸得剛剛好，雖然蒸但好甜，有蒜容做配料，不用再加調味。其實個餐好飽，可惜叫餐必定叫同等人數，分量多，食埋粥其係飽到上心口。服務好掂心，好周到，好喜歡這間連鎖店！

因同學最近升職請食飯，地點當然由出錢嗰個話事啦！故來到了偏離旺角彌敦道約5分鐘路程的商業大廈1樓。最搞笑的是這位同學自己竟然也迷路，反而是其他同學去帶她來呢！此店專吃蒸海鮮，上層蒸嘢食之際，下層的砂鍋煲粥吃，省時又飽肚。選了任飲任食，$338/位（星期日至四），$388/位（星期五、六），以2位起計。8:30pm 後入單又會平些的。先選粥底：南瓜排骨粥，在底部砂鍋放入生米、南瓜粒、排骨，加水後，上層蒸海鮮、蔬菜、其他肉類，下層不斷煑粥，這做法都幾合乎經濟原則。每位燉湯：冬瓜燉響螺，熱辣辣，用作潤一潤囗，味道可以的，內都有少許螺肉。3種是定食：1. 紅燒乳鴿半隻，味道一般。2. 貝殼盛盤是大蜆，鮮甜。3. 龍蝦半隻，都成隻手掌大，龍蝦肉都算厚且彈牙，新鮮度非常高。還有8款海鮮可自選4款一次，同枱必需選相同的4款，選咗：1. 北海道大元貝，蒜香不濃，肉厚剛熟，時間掌握得很好。2. 新鮮蟶子皇，成8吋以上的長度，爽脆3. 生猛海中蝦，是正式海中蝦，無欺場。4. 生猛鮮鮑魚，預先巳去腸臟，蒸熟即可吃，也頗厚肉。一句講晒，新鮮+ 蒸的時間剛剛好，每樣海鮮味道都無話可說了。以上的每人一份外。其實吃

聽左潮福個名好耐，但一直未黎過，今晚一家人齊娃娃不如就食蒸氣海鮮。店內設有魚缸觀賞區，客人除了觀賞之外，還可即時選購生猛海鮮！我們選擇了任飲任食任飲蒸氣海鮮餐，包括粥底三選一、燉湯二選一、自選海鮮四款，刺身拼盤（人頭計），還有其他任食任點的食物，包括和牛粒，丸類，蔬菜類，雜箘類等等⋯⋯呢度服務好好！員工會預先較好鬧鐘計時幫大家蒸，火候控制好準，不用怕蒸得過熟，每一樣海鮮都大大隻好新鮮！原汁原味好健康，味道鮮甜，最後當然食埋個粥，粥底吸收了海鮮精華，充滿鮮味，特別好食！超級滿足啊

為咗同媽媽慶祝生日，我哋諗咗好耐食咩好，又唔想成日食西餐，中餐叫餸食飯又好似好普通，食海鮮去西貢又太遠，咁不如就試下未食過嘅蒸氣石鍋啦！上openrice搵完一輪，覺得呢間地點又比較方便，價錢又合理，所以拿拿林打去book台啦～之前一直未試過蒸氣石鍋，淨係知道佢好似係放啲嘢食不停蒸，原來唔係淨係蒸嘢食架！佢係個鍋底會有一個粥底!當你係上面整嘢食嘅時候，啲海鮮呀肉呀菜呀啲精華就會滴落去下面個粥度！真係大開眼界！呢間蒸氣石鍋有2款menu比客人選擇，因為大家都唔想諗食咩，咁就揀個任食menu啦！$338一位（星期一至四），醬料$20，個套餐都幾多嘢食有人頭份量嘅刺身拼盤～都有幾款唔同嘅刺身，三文魚腩，北寄貝，希靈魚～整體黎講都ok！然後每位會有一個燉湯，我揀咗冬瓜燉響螺～好肯定係無味精嘅！都幾好飲之後侍應開始整個粥底，我哋揀咗南瓜排骨粥～我見到佢落果啲係珍珠米，由生米煮成熟飯，好期待呀～生米熟飯之後我哋揀嘅海鮮開始陸續上台～我哋揀咗好多貝殼類海鮮，例如聖子～鮑魚～帆立貝～北寄貝～呢個任食根本唔使自己煮！侍應會放個計時器係枱面，每次轉海鮮就會計時～我哋只係負責不停咁食！好爽～食飽咗海鮮之後仲

呢間蒸氣火鍋都算出名，又多分店，一直都無食過，因為興趣不大。今次朋友提議去試下，好啦，我都好就得人既.... 😆😆㨂粥底㨂燉湯同4款海鮮，再加埋指定既貝殼盛宴同龍蝦，之後就已經係任食打邊爐... 蒸氣海鮮即係得6款，完全唔夠喉！首先黎個魚骨湯，個湯好油；再黎乳鴿，ok啦；之後開始蒸海鮮，個貝殼同龍蝦新鮮夠多肉汁，好食跟住就係蒸其他貝類：元貝、鮑魚、貴妃蚌、象拔蚌... 呢幾樣真係差，個粉絲底未浸淋，蒸完仲硬既、啲貝全部唔夠新鮮，我食到有一隻象拔蚌有怪味之後就係其他任食配料了，選擇唔多... 總括今次食飯好失望，諗住去食海鮮餐，但得6款海鮮，仲要閒日都收$338一位，唔抵到極點，真係可一不可再...

最近睇報紙, 見到呢度幾個餐好平！而且又啱食，而且志同道合嘅朋友就在這商業大廈工作所以專登同佢去食番次！揀咗個最平既餐！脆皮雞半隻拼加拿大龍蝦跟伊麵脆皮雞足半隻，有少少炸過火感覺！但是仍皮脆雞肉香滑、正！上湯焗加拿大龍蝦（伊麵底） 麵份量適中好味，蝦肉彈牙好食！埋單兩人合共二百一十多元！經濟吾好又想食豐富啲！留意一下報紙廣告有時都有驚喜！呢間之前都經常光顧！後來搬了公司少來了....論裝潢服務，屬一般酒家質素...不過不失。論食物，亦無甚驚喜！餸菜款式與其他酒樓大同小異。

星期六，和朋友二人到潮福食蒸氣石鍋，訂座時指明要卡位，用餐為2.5小時。1. 冬瓜響螺湯: 比較鹹，只喝了幾啖。2. 定食123 ( 刺身拼盆，貝殼盛盆，生猛龍蝦): 不過不失。3. 自選海鮮 (北海道大元貝，新鮮蟶子皇，生劏龍躉皇，生猛貴妃蚌): 每枱限選4款，全部都新鮮好吃，龍躉每人兩塊都好大塊!4. 任點任食(姬崧茸蒸雞，爽脆豬頸肉，手切和牛肉，手切和牛粒，手打梅菜豬肉丸，自家制鯪魚球，馬拉糕，荷葉糯米飯，秋茄子，甜蘿蔔，甜粟米，勝瓜件): 職員幫我們分兩次蒸，我們有問她牛肉和其他食物一齊蒸會否不夾火喉，她說沒問題，結果和牛肉同和牛粒全部都熟得滯，不好吃了，除了豬頸肉不錯和梅菜豬肉丸好好食之外，其餘全部普通。5. 瑤柱鮮淮山粥: 沒有想像中鮮甜，不過粥水過有質感，不錯。整題來說，以自選海鮮最有睇頭。

蒸氣火鍋都流行了一段時間🍲外邊吃價錢一般都為高，今次發現了這家，看似普通酒家，但原來是蒸氣火鍋專門店☺️食物質素有水準。性價比高，地點就腳👣平時吃火鍋感覺比較熱氣，但蒸氣鍋採用無水無火，感覺比較良好招呼好好，有職員幫忙計時。所以當吃的時候都吾會過火⭐️鮑魚鮑魚勁新鮮，上枱時重識郁架，配上蟲草花一齊蒸好鮮味。肉質彈牙，吃的時候發現已經清除了內臟😉⭐️龍蝦龍蝦大大隻，差不多手掌般大小🖐️啖啖肉，配上蒜蓉香噴噴。⭐️扇貝粉絲蒸扇貝，肉質厚重，鮮甜無比⭐️石斑魚就算清蒸都已經好足夠⭐️海貝拼盤🐚完全無沙，抵讚，還帶有海水鮮甜味。-吃完蒸氣火鍋之後，粥底已經煲至軟綿綿，海鮮的鮮味都落入粥內。粥底愈煮愈鮮甜。