Video
Read full review
2021-10-15
75 views
食過咁多次港女tea最差嘅一間🌚🌚港女tea呢樣嘢真係一分錢一分貨，奉勸大家真係唔好貪平，食返啲中位價起碼人均二百幾一位都好過食百幾蚊一位-尋日同男友去食，平時都唔會同男友食呢啲嘢，一心諗住平得來幾靚，試吓同埋打下卡睇啲宣傳片仲話可以影到海景，但成間餐廳落晒簾影唔到，算啦呢個唔係重點。坐低冇耐，staff就上咗個餐牌俾我哋，又係例牌啦，揀茶。我開頭唔知仲懶醒以為係一人揀一款，好彩最後問一問先，因為男友見到隔離枱兩母女都係得一壺茶。-之後覺得開始出事啦😑唔係啲茶嘅問題，係佢哋啲服務速度同態度好有問題！雖然冇睇鐘唔知用咗幾耐時間，但呢次係我食過五次港女T有史以來等得最耐嘅一次！🌚開頭男友仲話唔使急啦慢慢嚟，食完之後都唔知去邊，想消耗下時間就覺得唔使咁急order住。所以我哋坐咗可能都有10分鐘先嗌茶。然後等咗應該起碼有三四個字先上，平時啲港女T 邊使咁耐先上到菜？我懷疑佢啲食材有啲係即叫即整。如果係即叫即整得來好食嘅係OK，但最弊唔係呢🙄通常坐梳化位靠牆嘅角度會睇到晒廚房出餐位，見佢哋係將一個個半月式鳥籠放晒喺冇客嘅枱面，跟住喺廚房行出黎先將啲嘢食砌上個架度再拎俾客人。唔知正常係咪都係咁做
港女tea呢樣嘢真係一分錢一分貨，奉勸大家真係唔好貪平，食返啲中位價起碼人均二百幾一位都好過食百幾蚊一位
-
尋日同男友去食，平時都唔會同男友食呢啲嘢，一心諗住平得來幾靚，試吓同埋打下卡
睇啲宣傳片仲話可以影到海景，但成間餐廳落晒簾影唔到，算啦呢個唔係重點。
坐低冇耐，staff就上咗個餐牌俾我哋，又係例牌啦，揀茶。我開頭唔知仲懶醒以為係一人揀一款，好彩最後問一問先，因為男友見到隔離枱兩母女都係得一壺茶。
-
之後覺得開始出事啦😑唔係啲茶嘅問題，係佢哋啲服務速度同態度好有問題！
雖然冇睇鐘唔知用咗幾耐時間，但呢次係我食過五次港女T有史以來等得最耐嘅一次！🌚開頭男友仲話唔使急啦慢慢嚟，食完之後都唔知去邊，想消耗下時間就覺得唔使咁急order住。所以我哋坐咗可能都有10分鐘先嗌茶。然後等咗應該起碼有三四個字先上，平時啲港女T 邊使咁耐先上到菜？我懷疑佢啲食材有啲係即叫即整。如果係即叫即整得來好食嘅係OK，但最弊唔係呢🙄
通常坐梳化位靠牆嘅角度會睇到晒廚房出餐位，見佢哋係將一個個半月式鳥籠放晒喺冇客嘅枱面，跟住喺廚房行出黎先將啲嘢食砌上個架度再拎俾客人。唔知正常係咪都係咁做，但之前嗰四次我都冇見過會當住啲客面前咁樣整🤷🏿♀️就係咁，好尷甘坐豈度，側邊枱枱都喺度食緊但我哋張枱仲係空嘅，得壺茶上得最快。
-
終於嚟到啦，打完卡就開波
開頭係唔覺得有啲咩問題嘅淨係覺得點解第二層好似好空虛咁…😅後尾搵返啲網上宣傳嘅對比圖我先發現成件事錯晒！
-
💩芝麻雞翼冇芝麻🙂仲要人哋嗰啲雞翼係雞中翼嚟！我哋嗰啲係單骨雞翼，完全貨不對辦！同埋個擺位都錯咗，唔怪得知第二層咁空虛啦，原來嗰碟雞翼係應該擺中層😂佢就走去夾硬塞落下層同個漢堡包一齊擺
💩鵝肝多士明明個麵包同塊鵝肝中間應該仲有堆醬嘅物體就冇咗，仲要塊鵝肝嘅質素係好差！雖然唔係成日食鵝肝，唔係金舌頭唔知咩係靚鵝肝，但好肯定鵝肝一定唔係咁嘅嘅口感同味囉！
💩龍蝦草莓乳酪，宣傳片就堆到滿！我哋就偷工減料🌚
💩玫瑰泡芙真係唔知自己食緊玫瑰味
💩草莓慕絲蛋糕先係極致！實物同宣傳片勁大分別！整到好核突！
💩仲有個芒果慕絲杯，一眼睇同埋食落去個口感就知道啲芒果好唔新鮮！宣傳片就有個細羹俾你容易啲去不啲乳酪同慕絲，但我哋係冇嘅，全程淨係用佢本身放喺枱面嗰set叉同匙羹去撩，size根本唔match，撩唔到个底个啲黎食！
🙂九款野食剩係得個macaron同mini burger算係正常過得去。
-
講完啲食物就講服務啦，唔知佢哋係缺人定咩，啲店員真係好唔細心！行開行埋都唔識得睇下使唔使加水，唔奢望你開到口問啦講真。隻眼唔知望去邊成日迴避啲客🙄唔想做嘅就唔好做囉！個茶壺又矮又細加唔到幾多水，每次都係加得個半壺咁我都體諒系冇辦法，但你哋係要用啲設計感差嘅茶壺就應該多啲去觀察下啲人有冇加水嘅需要！而唔係得閒喺度遊蕩但又漠視客人🔥
而最好笑就係上咗個鳥籠俾我哋都唔會留意到我哋本身係冇碟，影晒相準備想開波我心諗:吓？冇碟嘅咩？要舉手再嗌可唔可以比隻碟我哋先識得去拎，啊大佬！你地唔撚係盲㗎嘛？冇碟叫个客點食？！
最後冇服務仲好意思收我哋+1 service charge，雖然喺網上訂嗰陣條款係寫明要收+1，但我想講你哋都唔係枱枱收啦，睇撚住有兩枱客食完直接走咗出返去搭lift冇人收過佢地Service charge，咁俾人見到實會以為有得走盞系人之常情。到我哋走嗰陣就捉住我哋要收，下？唔知仲以為我哋借啲意走數食完唔俾錢😑查實就係你哋自己疏忽，一啲收一啲唔收都幾唔公平喎！重點係如果你哋有Service嘅話就算啲嘢係難食左啲都俾得條氣順啲丫！問題係冇Service都好意思收嗰下就真係俾得好唔順氣囉🙄
名都改得衰過人！叫error 19，真係好error！
Post