Outdark (飛達商業中心)

Open Now

Now Closed

之前都有食過呢間係尖沙咀嘅分店，都覺得好好食，今次諗住近近，所以就揀咗旺角呢間，依間好似冇尖沙咀咁多人，我哋喺星期六晚八點入座（冇book位），都仲有一半嘅吉位，呢度可以慢慢食唔使睇時間！正！叫左一個雙拼- 原味加蒜香蜜糖，啲雞肉好滑，水準同尖沙咀嗰間差唔多，個人就覺得原味好食啲啦，啲雞都幾大盤上面仲有薯條，薯格，可以話係一雞幾味，之後仲叫咗個新嘅雞蛋捲，依個都唔錯，係凍嘅，之後仲叫咗個麻辣豆腐湯烏冬，呢個都幾好食，仲有啲湯可以飲吓，唔算好辣，入面仲有啲海鮮例如蜆/魷魚/蝦/冬菇等。因為佢都幾大份，所以我哋依咗呢三樣嘢都飽啦買單五百零蚊～但係我覺得有啲可以改善嘅地方就係服務，啲侍應全部都係韓國人應該，但佢哋唔會主動fill小菜,最離譜嘅係最後收野嗰陣時，連水都收埋晒，有啲係未飲完嘅都全部收走，感覺好似要趕我地走，但嗰陣時成間舖只有三份一客，好奇怪!咁都要趕我地走？？？（申利當時9點半）但我相信應該係好個別例子。