Video
Read full review
2023-07-10
970 views
之前行過見到排晒隊咁，好想試，今日終於試到啦，但原來係驚世大伏！啲嘢難食之餘，仲違反商品說明，有呃錢之嫌。由外面睇似日式咖啡店，少少懷舊果種。menu 上面啲相當然影得好靚啦，叫左all day breakfast, 帆立貝意粉同兩杯latte。Sonia 經典全日早餐 $138除左炒蛋，煙肉係煎嘅，其他應該其他都係烚嘅，例如腸仔。鴨胸就冇煮過嘅痕跡，係凍嘅，就連烚都冇，因為烚左係會漲少少，估計鴨胸只係解凍，切左就比客，連微波爐嘅痕跡都冇。三文魚睇落色澤唔新鮮。但係最離譜嘅係，我打食評睇返食物相，發現同menu有好大出入。menu上有茄汁豆同牛油果，原來冇，變左煙肉同鴨胸。你轉材料唔係應該同客講聲咩？我以前開過意粉小店冇邊樣材料都會問客ok唔ok，呢啲係責任，冇講係有違反商品說明嫌疑，仲收$138 加一？！非常過份，呢度會要求餐廳交代，有單有圖為證。和風蒜香鰹魚帆立貝蜆肉意粉$98呢碟都好離譜，意粉超乾同硬，唔係al dente 果種，係食到人胃痛果種。意粉底下有水，我本身奇怪點解咁都會乾，之後發現佢一啲油都冇，係冇炒過淨係烚嘅意粉！！洋蔥係未熟，蜆肉同帆立貝都冇炒過果種香，都係烚嘅，
由外面睇似日式咖啡店，少少懷舊果種。menu 上面啲相當然影得好靚啦，叫左all day breakfast, 帆立貝意粉同兩杯latte。
Sonia 經典全日早餐 $138
除左炒蛋，煙肉係煎嘅，其他應該其他都係烚嘅，例如腸仔。鴨胸就冇煮過嘅痕跡，係凍嘅，就連烚都冇，因為烚左係會漲少少，估計鴨胸只係解凍，切左就比客，連微波爐嘅痕跡都冇。三文魚睇落色澤唔新鮮。但係最離譜嘅係，我打食評睇返食物相，發現同menu有好大出入。menu上有茄汁豆同牛油果，原來冇，變左煙肉同鴨胸。你轉材料唔係應該同客講聲咩？我以前開過意粉小店冇邊樣材料都會問客ok唔ok，呢啲係責任，冇講係有違反商品說明嫌疑，仲收$138 加一？！非常過份，呢度會要求餐廳交代，有單有圖為證。
39 views
0 likes
0 comments
和風蒜香鰹魚帆立貝蜆肉意粉$98
呢碟都好離譜，意粉超乾同硬，唔係al dente 果種，係食到人胃痛果種。意粉底下有水，我本身奇怪點解咁都會乾，之後發現佢一啲油都冇，係冇炒過淨係烚嘅意粉！！洋蔥係未熟，蜆肉同帆立貝都冇炒過果種香，都係烚嘅，至於秋葵，係特別配料又點，都係烚嘅。隔離枱果個女人都係叫呢個，食食下叫侍應比黑椒佢，最尾佢都係冇食晒。你收得呢個價錢，比廚房新手質素我？仲要話自己過江龍？
Iced Honey Latte $44
最正常應該係呢杯咖啡。
Mocha $40
都係正常，偏甜。
忌廉焦糖吉士布丁 +$38
又一樣嘢離譜嘢來啦！我發現lunch menu可以加$38 各款忌廉布丁，但原來忌廉焦糖吉士布丁本身都係$38，寫落lunch menu +38 好似平左咁，誤導人地。不如你mark up 左原價再lunch menu加$38會合理啲。至於味道，冇乜蛋味偏啖，我會覺得即食果啲布丁仲好食啲。
食物質素只能用新手來形容，全日早餐擅自轉食材唔通知客人，布丁加購價有誤導成份，全部加埋只值得一個差評。
Post
