Monster Sushi (Closed)

今次係第二次黎i-square 既Monster。上一次食過呢到既海膽壽司，真係一試難忘，要再黎回味。呢到既海膽軍艦，d海膽真係豐厚到滿瀉，揭開第一塊黎睇，先發現原來有兩層海膽。急不及待將成舊軍艦放晒入個口到，嘩，果重感覺真係難以形容，成個口都充滿住甘甜既味道，重有小小既海水味，d海膽好似包住每一隻牙咁，好滑。加上壽司飯又唔係太酸又唔會好實，簡直係無懈可擊。連原本唔係太好海膽既小bear 都一邊食一邊大叫"好好味ah....(重覆十次)"結果，食完成餐之後，都要黎多一round 海膽軍艦做結尾。除左海膽之外，Monster 既帆立貝都好豐厚鮮甜，重有三文魚子亦唔會太鹹加上熟食比起其他迴轉壽司店多，真係值得試完再試。