Moreish & Malt (鴻圖道) (Closed)

好耐冇試過對我有驚喜嘅食物。可惜我忘記影menu. 同埋好似間唔中會轉🤔 定早午晚menu唔同呢？Roasted Brassica: 只睇相你哋估唔估到喺咩呢？想像唔到簡單一個椰菜花可以咁好食🙈，一個椰菜花烤焗之後喺上面淋上一啲調味醬 ，我食落似墨西哥嗰啲醬🤔？ 再喺面上加少少蔥🤔？ 賣相真喺超級吸睛，切開嘅時候仲散出層層嘅煙，超治愈囉蔬菜又好吸水份 ，加埋啲醬，真喺不得了 （但提提大家，呢個喺好大份，佢放喺枱面，我呆咗😂）Tostada Crabmeat: 呢嗰喺我網上見最多人叫嘅其中一樣，不過不失嘅前菜，用炸玉米餅加上蟹肉同蟹籽，食落去唔錯，只喺少咗一份驚喜。Spaghetti Carbonara: 食落喺足料嘅，但普通咗啲，仲有少少溜，所以唔提太多了🤪Matcha mochi pie: 賣相好吸引，有少少驚喜，以為中間嗰嚿喺朱古力，點知喺黑芝麻粉包住麻糬，而抹茶cream 同個餅底啱啱好。所以都喺一件唔差嘅甜品。