鳥森 (Closed)

最近閨密👩‍💼工作十分忙碌，爽約了好幾次，終於可以見面，她最喜歡吃日式串燒，所以選了這餐廳，見到隔離枱點這個每位$680嘅Mori Omakase 好豐富，我哋又試吓先～🔥精選燒鳥8本廚師安排了燒雞腳筋、惠比壽梅子雞肉、雞腎、雞心、雞翼、雞軟骨、雞心元及蛋黄漬免治雞肉棒比我哋，串燒質素高，一邊飲住冰凍嘅烏龍茶$38，一邊傾計慢慢食，好享受😋第一次食燒雞腳根，口感係脆卜卜，好香口，閨密笑說食完可能可以跑得快啲～💨😆食完串燒，燒物上枱：🐮厚燒牛舌芯：牛舌芯爽脆，厚切，好香牛肉味。🐷伊比利亞豬肋條：帶點咬口，咬落去，油香與肉香兼備。🐥惠比壽炭火親子丼，每人一碗，雞肉好爽滑，配埋珍珠米飯🍚及熱雞清湯，食完好暖心好暖胃。最後，吃一口軟滑的紅豆布甸🫘🍮，這晚好滿意。