真鮨 (Closed)

今日做完GYM 夜夜地, 又好想食日本野, 朋友之前去過一間係佐敦開到零晨11點既日本料理(MOSHI MOSHI), 佢話幾扺食所以去試下~ 去到裝修簡潔舒服, 幾好坐~ 睇下餐牌, 價錢好扺食下~ 刺身併盤256蚊, 壽司18-30蚊左右~串燒都係28-38蚊不等重點佢濱燒南非鮑魚2隻 $168~ 所以今日豪少少~ HAPPY下~ 叫咗兩隻, 一來就係刺身併盤, 有三文魚, 劍魚腩, 油甘魚, 帶子, 八爪魚, 劍魚腩油份多到不得了好肥美, 勁香口, 帶子好新鮮彈牙, 油甘魚好濃魚味~ 廚房仲好有心咁擺得好靚仔, 打卡一流丫~ 濱燒南非鮑魚, 都幾大隻~ 肉質一D都唔UN~ 仲燒得好鬼香~ 再講下D串燒~ 我地叫咗雞皮露荀串~ 雞皮燒得好香~ 俾十串我都食得哂~ 燒牛舌心~ 一咬入面D牛脂爆出黎~ 好香口~ 燒煙肉荔枝串~ 煙肉濃味再配上荔枝清甜~ 哩個配答真係要讚下佢~ 好好味~~ 哩一餐好滿足丫~~ 值得推介的~