釜山炸雞批薩

Open Now

Now Closed

放工之後去咗馬鞍山買個外賣返屋企食。呢間釜山炸雞批薩小店，感覺到店主好有心經營，店舖裝修係韓式餐廳設計，可以堂食亦可以外賣。炸雞二重奏 $219一份可以享受哂兩個口味，真係幾抵。仲要份量都好多下，兩個人都叫做勉強先食得哂。傳統韓式炸雞嘅特色甜辣，辣度剛剛好，唔會太over，因為甜度可以中和到個辣味，唔食得太辣嘅我地都完全無問題，但個辣完全提升胃口。另外雙重芝味真係芝士味大爆發，本來已經撈好哂，但都再配多一包超濃味嘅芝士粉，食嘅時候可以再加，芝士控必叫。炸雞都好出色，炸皮唔算太厚，但出奇地肉汁鎖到哂。辣肉狂迷pizza $169呢個真係好有特色嘅pizza, 首先餅皮唔係一般嘅pizza, 比較類似煎餅皮，所以當配合較韓式醬汁整成嘅牛肉，我覺得係正確嘅選擇。平時食得悶悶地，呢個都幾有新意。韓式餃子八件 $88韓式餃子皮較厚，半煎炸就可以整得更脆，好飽肚。餡料就蔬菜粉絲肉，塞得好滿。煙燻五花腩 $158食肉獸叫埋呢個就啱哂，雖然係五花腩但可能因為用煙燻嘅做法，食落一啲都唔過份油膩，跟埋生菜同醬汁更加係貼心。真心好味。