Aroma Truffle (Closed)

好鍾意食薯片，會嘗試不同國家嘅薯片，特別喜歡日本，而呢兩年新加坡鹹蛋黃薯片又大熱，都鍾意，經常深宵一邊食薯片一邊飲清酒🍶或威士忌🥃。呢隻黑松露薯片早前已經聽過，今日終於有機會試吓，呢個星加坡品牌喺銅鑼灣希慎有店舖。題目「Most SEDUCTIVE Truffle Snacks」係節錄自佢哋嘅Corporate Mission （大草係我自己改嘅）, 一聽到咁juicy嘅介紹，就想試吓😆薯片個名叫做Black Summer Truffle, 一打開Original原味嘅包裝，真係成間屋都有松露香味，香氣真係非常濃郁，睇番原來黑松露係來自意大利古城Spoleto附近嘅森林，空運去星加坡之後經過秘密嘅infusion technique, 先至可以做成咁濃烈松露香味嘅薯片。薯片上邊仲有細細粒嘅香草，令到香味更加有層次，而薯片本身卜卜脆，好食。嗰包Parmesan仲有埋芝士味，黑松露➕芝士香味令到我嘅味蕾非常忙碌😆仲有，星加坡人是幸福的，星加坡有Made in Singapore嘅產品，香港呢？你明我講咩嘅 ...