Mr. Right (Closed)

男友帶我到元朗食好西搵黎位於西菁街轉角位既西班牙餐廳，室內裝潢modern，座位空間寬敞，環境恬靜舒適~水牛芝士番茄沙律面頭以紅色及粉紅色碎碎既分子料理分開呈鴛鴦色，圓碌碌既藤茄仔及水牛芝士鋪面，仲加左d鮮小花伴碟，賣相好靚且有心思蕃茄味既果凍，少少酸咪咪，水牛芝士波波好有口感，配上藤茄仔甜甜的中和返，好開胃! 香煎鵝肝差唔多同多士一樣咁厚身入口即溶，同個紅酒汁好夾，旁邊仲有一小件無花果&紅菜頭減卻油膩感。雜菜蒜片欖油炒意粉雖然睇落齋齋地，但整個意粉充滿蒜香及橄欖味、少少辣辣地，再加左羅勒一齊炒，味道好fresh ! 簡簡單單但卻帶俾我驚喜西班牙黑毛豬扒經溫火慢慢烤煮 ，鎖住肉汁，口感鬆軟，肉感豐富。伴碟既千層芝士燒薯好好味，薯仔切得勁薄，仲夾雜著火腿粒及芝士一齊焗第一次食斑蘭味既cream brulee肉桂味泡芙外蘸上砂糖，淡淡既斑蘭味感覺清新，焦糖面既焗得脆卜卜，燉蛋口感滑滑，甜度適中。無論氣氛、環境、食物、服務質素都唔錯，下次帶埋媽咪一齊黎食先