微醺 (Closed)

放工嚟到中環想飲啖酒舒下壓，嚟到酒吧嘅集中地soho區，每行2步都有一間bar係左近，經過見到一間menu有用茶做名嘅cocktail覺得幾得意所以就入咗去。環境唔算大，但係乾淨企理，吧枱亦都好精緻，坐低冇耐店員就好熱情咁介紹我哋有咩drink menu值得試。半熟吞拿魚春卷•他他醬 $68一份有四舊春卷嘅前菜，用炸到脆卜卜嘅春卷皮包住半熟嘅吞拿魚，口感同平時食嘅春卷差唔多，但係多咗一分海鮮嘅味道👌🏻帶子•香蒜橄欖油意粉 $168店員話係用咗北海道嘅刺身級帶子嚟整，好好食！辣度好過癮而且蒜香夠，意粉烚到啱啱好al dente🤤十分滿意呢個。烤慢煮煙肉西班牙豬柳卷 $288你瞓主菜亦相當唔錯，經過慢煮嘅豬柳，睇落去都已經覺得好Juice，出面包住煙肉增加咗少少油脂感，搭埋嫩到無倫嘅豬同個醬汁一齊食😀My Cup of Tea $168成晚嘅重頭戲，一set用一凍一熱做搭配嘅cocktail十分特別，熱嘅茶香同酒未特別濃，再一啖凍而果香十足嘅cocktail，又係必試之作！🥰You may fun $128相比之下女仔可能就比較啱呢種甜酸甜酸嘅cocktail，以百香果做主。