Video
Read full review
2021-12-01
192 views
今日食個生日飯，作為今年第一餐生日飯緊係要打響頭炮，食餐好嘅。呢間餐廳除左有好多特色cocktail外，仲有好多嘢食。而且環境都好有情調，因為除左室內之外，佢仲有露台，但係我怕凍，所以都係乖乖地坐返入嚟。值得一提嘅係呢度嘅職員真係好好服務，會好細心咁樣同你講解佢哋嘅餐牌，再問吓你嘅喜好，去幫你推薦飲品。首先我地揀左兩個小食，第一個係微醺拼盤。入邊包括有炸大蝦，炸魷魚圈同埋炸雞髀菇。雖然聽落全部都係炸，但係其實佢都好鬆脆，唔會好厚粉。其中佢個雞髀菇仲好Juice添。而佢啲蝦都好大隻，仲好彈牙，不過就略嫌味道淡咗少少。另一個小食係麻辣雞翼，呢個我覺得超好食，夠晒惹味，而雞翼都仲好嫩滑，完全係令我搶住食。然後就到主菜，我地揀左一個西式一個日式。西式嗰個係三文魚柳配菠菜，而佢個檸檬汁就偏甜咗少少，但係三文魚都煎到岩岩好，唔會太老。另一個日式就好得意，個外型好吸晴。係八爪魚白汁烏冬，佢啲烏冬真係好彈牙，煙煙韌韌，配埋白汁都好夾。最正嘅係原條粗壯八爪魚腳，大滿足。食飽之後就到今晚嘅重點，摸下酒杯底。一杯係You May Fun，口感酸酸甜甜，用原個百香果整，酒味唔會太濃。意想唔到嘅係佢粒話梅真係好
呢間餐廳除左有好多特色cocktail外，仲有好多嘢食。而且環境都好有情調，因為除左室內之外，佢仲有露台，但係我怕凍，所以都係乖乖地坐返入嚟。值得一提嘅係呢度嘅職員真係好好服務，會好細心咁樣同你講解佢哋嘅餐牌，再問吓你嘅喜好，去幫你推薦飲品。
首先我地揀左兩個小食，第一個係微醺拼盤。入邊包括有炸大蝦，炸魷魚圈同埋炸雞髀菇。雖然聽落全部都係炸，但係其實佢都好鬆脆，唔會好厚粉。
其中佢個雞髀菇仲好Juice添。
而佢啲蝦都好大隻，仲好彈牙，不過就略嫌味道淡咗少少。
另一個小食係麻辣雞翼，呢個我覺得超好食，夠晒惹味，而雞翼都仲好嫩滑，完全係令我搶住食。
然後就到主菜，我地揀左一個西式一個日式。西式嗰個係三文魚柳配菠菜，而佢個檸檬汁就偏甜咗少少，但係三文魚都煎到岩岩好，唔會太老。
另一個日式就好得意，個外型好吸晴。
係八爪魚白汁烏冬，佢啲烏冬真係好彈牙，煙煙韌韌，配埋白汁都好夾。最正嘅係原條粗壯八爪魚腳，大滿足。
食飽之後就到今晚嘅重點，摸下酒杯底。一杯係You May Fun，口感酸酸甜甜，用原個百香果整，酒味唔會太濃。意想唔到嘅係佢粒話梅真係好好味，夠晒酸，岩晒我呢啲咸濕婆。
另一杯就好特別，My Cup of Tea，用嘅係自家製綠茶Gin，然後再配上各種配料以熱同凍嘅方式，去俾你一次過嘗試兩種味道。熱過一杯聞落去似菊花茶味，但係呢一杯酒精濃度比較高。而凍嗰一杯聞落去清香啲，味道甜啲，剛好可以中和返熱嗰一杯嘅味道，所以職員都係推介可以飲左一啖熱，再飲一啖凍，去感受兩種刺激。不過呢一杯酒精濃度係比較高，唔飲得嘅話真係要同朋友share。
Post
