Video
Read full review
2018-05-01
1147 views
呢間位於灣仔廈門街嘅The Spice House，係我最鍾意嘅泰國餐廳，鍾意佢地道又抵食。平時多數夜晚嚟幫襯，今日午飯前有嘢做嚟到灣仔，就順便嚟填肚。今日先知原來呢度有午市套餐，就平平地叫左冬蔭功湯河（$60），青咖哩豬飯（$65），唔使加一，算係合理。要知道灣仔呢一帶午飯時候想揾啲好啲嘅食肆，都起碼$60蚊。好快就端左杯龍眼茶嚟。呢度嘅龍眼茶平時要$20，套餐包埋好着數。比想像中有啲甜，啲冰融埋就差唔多。普普通通嘅冬陰公，就最可以試到一間泰國餐廳嘅水準。飲落先鮮甜後辣，香茅羅勒味重，越飲越上癮。香葉檸檬葉羅勒香茅蝦碎，都可以喺碗湯度搵到，所以點解個湯咁好味就係咁解。蝦🦐唔算好新鮮，但係都有咬口。一碗有四粒魚蛋，落足料而且鮮味彈牙。可以挑剔嘅係，如果有其他配料可以揀就更好。泰式青咖喱就不嬲都會叫嘅，鍾意佢地道又足料。雖然望落可能普普通通，裏面其實除咗上面提及過嘅香料，仲有香菇紅椒茄子🍆翠玉瓜，而且食得出佢哋係先炒過，然後先放落咖哩度，又香又入味。豬肉片雖然賣相一般，食落亦都講唔上係嫩，不過豬味真係好濃，配上咖喱汁，絕對係錦上添花。另外，咖喱汁一啲都唔孤寒，足夠餸晒成碗飯。提提唔係太食
今日先知原來呢度有午市套餐，就平平地叫左冬蔭功湯河（$60），青咖哩豬飯（$65），唔使加一，算係合理。要知道灣仔呢一帶午飯時候想揾啲好啲嘅食肆，都起碼$60蚊。
好快就端左杯龍眼茶嚟。呢度嘅龍眼茶平時要$20，套餐包埋好着數。比想像中有啲甜，啲冰融埋就差唔多。
普普通通嘅冬陰公，就最可以試到一間泰國餐廳嘅水準。飲落先鮮甜後辣，香茅羅勒味重，越飲越上癮。香葉檸檬葉羅勒香茅蝦碎，都可以喺碗湯度搵到，所以點解個湯咁好味就係咁解。蝦🦐唔算好新鮮，但係都有咬口。一碗有四粒魚蛋，落足料而且鮮味彈牙。可以挑剔嘅係，如果有其他配料可以揀就更好。
泰式青咖喱就不嬲都會叫嘅，鍾意佢地道又足料。雖然望落可能普普通通，裏面其實除咗上面提及過嘅香料，仲有香菇紅椒茄子🍆翠玉瓜，而且食得出佢哋係先炒過，然後先放落咖哩度，又香又入味。豬肉片雖然賣相一般，食落亦都講唔上係嫩，不過豬味真係好濃，配上咖喱汁，絕對係錦上添花。另外，咖喱汁一啲都唔孤寒，足夠餸晒成碗飯。
提提唔係太食得辣嘅朋友，可能會覺得呢度嘅菜式都偏辣。
Post
