嚐越 (Closed)

嗰日睇新聞發現越南近排做簽證好似減價左，而且我又發現好多環遊世界嘅朋友都會將越南列入佢哋嘅必遊國家之一，下龍灣謀殺左唔少菲林。我下一個要去嘅地方就係越南，爸爸都想去，去睇吓一啲自然風光嘅美同埋食一啲比較簡單地道小食湯粉，所以今日嚟到嚐越探探路。今次晚餐同埋我嘅外籍朋友一齊嚟食添，總共三個人，叫咗六個餸，所以叫嗰啲餸都係冇海鮮嘅，而且味道唔會好濃郁，因為外籍朋友一定頂唔順。唯一一個我同另外位朋友分享嘅係水晶軟殼蟹米紙卷$68，透明既水晶米紙卷煙煙un un，包著特脆鮮炸既軟殼蟹，又有埋檬粉、青瓜、生菜、紅蘿蔔絲，多種口感既交響曲，配埋甜酸汁，錦上添花呢！安南炒金邊粉$92呢個粉就普通d，好中式，只係用左扎肉咁，炒得幾香既都。本身想叫撈檬架，不過外藉朋友唔食得魚露啵。嚐越脆春卷＄52新鮮滾滾既，米紙咁整，又有另一番風味，不過同樣唔油，反而好乾身既，讚，包左d雜菜粉絲，絲絲既好好味！青木瓜雞絲沙律$88青木瓜現實成個咁我最憎食，總覺得有怪味，但次次用黎整沙律，又出奇出正，青木瓜絲爽嫩，撈埋雞絲同個dressing，真係好開胃，特別係個堆花生碎，唔好睇少，味道就係咁生色不少！惹味黑椒牛柳粒＄9