初麥手作烘焙

Open Now

Now Closed

原本係見佢既麻糬波波又平又好食，回購左n次，同事都讚不絕口。加上見佢啲包都幾香，所以呢次就試下其他包😋。🔅蒜香乳酪飽 ($22)下晝經過諗左一陣買唔買，最後都係俾陣蒜香味吸引住，放工忍唔住去買🤣。包體偏煙韌，焗完個皮脆脆地更好食！中間有有滿滿既乳酪，邪惡度滿分😎。蒜蓉味都夠香，焗返熱食都聞到，超正🤤。🔅岩燒蜂蜜蛋糕 ($25)蛋糕超鬆軟有彈性🥺，淡淡既蜂蜜味，唔算太甜。表層既蜂蜜芝士醬帶少少鹹味，令成個蛋糕甜裡帶點鹹。整體蛋糕都算大個，價錢都ok。💬呢間既包唔算貴，款式又多，最hit既布甸包、撻、麻糬波波都有齊😋，如果喺附近住就真係不得了🤤。