Pho Bar (Closed)

睇到飲食雜誌介紹Pho Bar，評分都幾高，就黎一睹其風采。位處耀華街都幾方便，唔去中環店都食到，可能新開張關係，周四晚上黎都唔full。門口大大落地玻璃，為高高的樓底增加不少空間感。店內簡約的風格，令人感覺好舒服。只有單邊座位，應該係想大家速食。牆上的painting甚有特色，為店帶來不少藝術氣息。餐牌簡單，主要食牛肉粉和豬頸肉粉，加$18可以轉意大利翠肉瓜麵，幾有特色。自己係紙上揀，連配料都得，啱晒D揀飲擇食的人。水樽都有薄荷葉係入面，令清水更fresh!燒豬頸肉撈檬($58)都幾大碗，豬頸肉份量也不吝嗇，個sauce好大碗。加完個sauce先知入面好多蘿蔔蓉，幾特別，撈檬粉唔錯，不但健康，令口感也更豐富。燒豬頸肉有調味過，大塊得黎薄切易入口，唔會燒得太乾，仍然十分juicy。炸蝦卷($36)配沙律醬和越式sauce。蝦卷賣相吸引，外層炸得香脆鬆化，味道也不錯，唯蝦肉太少，有D唔到價。生熟美國頂級牛肉金邊粉($78)都好吸引，牛肉有水準，非常嫩滑，湯底也很美味。每個位都有插制，好適合繁忙的香港人。想試惹味的小食，可以點秘製雞翼($32)，包住沙律醬和辣味粉，帶少許spicy，雞翼係