WIRED CAFE (Closed)

好難唔鍾意 WIRED。裝修非常好，座位非常寬敞，正中平日迫來迫去的香港人下懷；而且有 Free Wifi 、海景、梳化及卡位都有，真係好難唔鍾意 WIRED。但係當然，最吸引的還是他們的食物啦﹗WIRED 有日本的心意和堅持，每一款食物都係明顯係好用心做出來。試過好幾款都係配料同賣相兼備，而且款式多元化，有意粉、日式魚生飯、咖喱、MOCKTAILS、甜品等好多唔同款式，絕對適合唔同口味的人﹗個人最難忘的係茄子咖喱飯。和風口味的咖喱，雖然得茄子但絕對唔馬夫。因為除了茄子肉做咖喱之外，連茄子皮都炸香了做伴菜，非常好吃﹗另外新鮮製作的 PANCAKE 同樣要試，個人最鍾意係蕃茄蘑菇 Pancake + 薯蓉，係午後最好的選擇。一般的印象係日本餐廳的甜品都係比較遜色，但係 WIRED 的甜品都好有驚喜。雖然唔記得 exactly 係咩名，但係只記得本應係雪糕 + 糯米糰的甜品係好多配材，口感豐富好味。最適合食厭一般甜品的女仔。唯一遜色的係，我覺得咖啡的質素要做好 D，味道唔可以話 OK 呢。但係始終，都真係好難唔鍾意 WIRED 囉。