Brooklyn (Closed)

今日約左朋友到旺角新世紀食tea, 曾經有朋友推薦呢間餐廳因為試過人佢地既Draft Beer同小食都唔錯, 所以我地就信佢；入到餐廳時已經2:30, 餐廳內約7成滿, 今日陽光燦爛, 本來想座窗邊位置, 可惜已經座滿了； 我地本來想散叫, 但看了餐牌後發現佢地Brunch Set不但選擇多而且仲包沙律、包、一件小食還有湯,所以我們分別叫了燒辣汁豬扒溫泉蛋和芝士蘑菇煙肉漢堡；我地食完前菜已經飽左7成幾, 最surprise係個湯同牛角包,我地都叫了蘑菇湯,雖然唔夠creamy但夠香, 個牛角包雖然唔夠鬆但勝在上菜時是暖暖的, 主菜比較好既係個burger, 當咬塊漢堡牛是有肉汁的😋