Video
Read full review
2020-08-10
809 views
一間值得長文黎讚一讚既 coffee shop!喺Cwb 地鐵站等緊朋友，勁眼瞓好需要飲啡啡，就搵下附近有無 coffee shop。其實開頭都無咩信心，因為香港唔係隨手都買到好咖啡，好多時都係要向連鎖廢水低頭🥺。Appendix 喺 SOGO 後面條街既 Tower 535, 個 building 好新好靚，行入去個感覺已經好好。雖然Appendix 喺3 樓，係 lift lobby cafe，但環境一樣好舒服。行街行到攰想坐下，或搵人傾野，呢個絕對係個好地方😌一行埋去，個店員好有禮貌咁俾menu 我問我要咩。我自己要mocha, 朋友果杯話 latte/cappuccino/flat white 都得，店員推介 flat white，於是就試試佢。佢哋用Holistic 咖啡豆，nutty, 味濃而唔酸，好好飲!!Iced mocha with oat milk飲到可可味同咖啡味，唔係死甜同濃既朱古力漿。有時朱古漿 mocha 係好飲，不過好多都太濃蓋過咖啡味，但呢個唔會。就算加咗冰淡咗d 都仲飲得出個咖啡係好飲。Iced flat white 好多舖 flat white 都唔
喺Cwb 地鐵站等緊朋友，勁眼瞓好需要飲啡啡，就搵下附近有無 coffee shop。
其實開頭都無咩信心，因為香港唔係隨手都買到好咖啡，好多時都係要向連鎖廢水低頭🥺。
Appendix 喺 SOGO 後面條街既 Tower 535, 個 building 好新好靚，行入去個感覺已經好好。
雖然Appendix 喺3 樓，係 lift lobby cafe，但環境一樣好舒服。行街行到攰想坐下，或搵人傾野，呢個絕對係個好地方😌
一行埋去，個店員好有禮貌咁俾menu 我問我要咩。我自己要mocha, 朋友果杯話 latte/cappuccino/flat white 都得，店員推介 flat white，於是就試試佢。
佢哋用Holistic 咖啡豆，nutty, 味濃而唔酸，好好飲!!
Iced mocha with oat milk
飲到可可味同咖啡味，唔係死甜同濃既朱古力漿。有時朱古漿 mocha 係好飲，不過好多都太濃蓋過咖啡味，但呢個唔會。就算加咗冰淡咗d 都仲飲得出個咖啡係好飲。
Iced flat white
好多舖 flat white 都唔做凍飲，肯做既都可能伏。朋友都好鍾意飲咖啡，入口第一啖已讚。
唯一要改善既地方係個杯，佢地用熱飲珍奶杯裝凍飲，督飲筒個位唔太work, 好易整爛枝筒都未督到。店員好細心用紙袋裝住2杯野飲，環保角度：用環保凍飲杯加紙手抽就 perfect
2 杯野飲打咁長文，因為你值得！
加油呀，高質黃店
Post
