Forever 友緣西餐 (Closed)

今日難得黎元朗搵朋友仔食飯，當然要朋友介紹元朗好食既餐廳啦！兩個食肉獸就揀左呢間西餐廳。呢間餐廳距離輕鐵站都有10-15分鐘路程距離，但幾乎座無虛席！餐包竟然係非常香酥既牛角包，熱辣辣非常好食黑毛豬鞍扒套餐 $218平時食西餐我一定唔會點豬，因為感覺唔太抵食，但呢塊豬鞍扒好食過另一個牛扒餐！豬鞍扒好厚身，唔好以為好硬，切落去既時候會感覺到肉質好軟腍！食既時候感覺到好香既豬味，肉質軟綿帶彈性，確實不錯！安格斯肉眼扒套餐 $228相比起豬鞍扒，呢件牛扒相對遜色。5成熟既牛扒外層較硬，內層肉質相對較軟而帶肉汁。特別優惠！唔好以為$1就係伏，呢件鵝肝同扇貝都好有質素，絕對唔係放題或者雪櫃再解凍既質素心太軟 $48呢件心太軟味道幾特別，有別於一般既心太軟只有好甜既朱古力味，呢件心太軟中有類似橙皮既果皮混合響朱古力中，食既時候會感覺到果香同口感。