世華餐廳 (Closed)

尖沙咀選擇真係唔多，以前喺附近返工到而家都係一樣無咩揀。隨便揀咗世華，見佢有下午茶餐就入去。求求其其叫左個咖喱牛腩飯食下喇, 呢個咖喱牛腩飯個賣相都算唔錯, 咖哩汁的顏色都好好.因為我真係好怕果啲螢光咖哩汁。而咖哩味好香，落重香料。而香料當中，我覺得佢個味道 Balance 得幾好, 同埋幾夠辣, 牛腩係幾有咬口，但又唔會韌，又冇起渣. 佢有四五條左右，切得唔太大舊，入口容易。呢牛腩係幾入味嘅，牛肉味好濃. 不得不提的就是咖喱牛腩不可缺少嘅薯仔.薯仔既份量唔係話好多，但係都幾大舊.質感粉粉的，食到中間有甜味慢慢滲出黎。