饌 (Closed)

上星期去左灣仔的OZO Wesley的中餐廳ZAAN食Lunch,午市好快就full,好彩有訂定位!雖然好多客人,但座位分佈得都幾平均,絕對唔會有逼迫的感覺。一來到當然要叫我最愛食的海蜇~!!估唔到呢度的海蜇同我平時食開的係唔一樣,好爽脆好香口~另外我們都order左''松露野菌餃''、''脆皮燒腩仔''、''甜麵醬炒油麥菜''、''黃金流沙包''、''西杏炸脆奶''etc.我個人最鐘意的係炸脆奶,熱辣辣外脆內軟,充滿奶香,但食完又唔會覺得好''漏''!而甜麵醬炒油麥菜亦都帶比我驚喜!無諗過甜麵豉醬的味道同油麥菜咁夾,吊出菜的新鮮甜味~另外燒味方面都做得唔錯,燒腩仔的皮烤得卜卜脆,多肉少膏,令人食指大動,食多幾舊都唔覺膩呢~~至於''松露野菌餃''都好好味,一食落口,冬菇的味道好出,口感層次豐富,岩曬食素的朋友~不過成多幾舊會有油膩的感覺~食完正餐當然要食埋甜品先夠滿足呢~~我自己就食左豆腐奶凍~oishi~~~甜味適中奶味夠重!另外要讚一讚個''鳳梨桂花糕''~入面真係有粒粒鳳梨肉,豐富左個口感,而且味道好清,一點都不會過甜,賣相同味道都很好~!!