玩具小屋咖啡室 (Closed)

黎過cubby cafe幾次，服務、食物質素仍然好高。今次同2個朋友黎，叫左個雞肉闊條麵同埋香煎肉眼扒配紅酒汁，另加一個小食拼盤。三個人食呢三款食物已經好足夠，講返個食物質素先，雞肉闊條麵d麵好有彈性，聽講侍應講係廚師自己親手打，唔怪得之咁好味😋😋肉眼扒方面呢，塊扒好juicy，而且唔會煎得太韌，十分有口感，另外最值得一提嘅係個配菜:薯條，炸得好脆👍🏻👍🏻鐘意食薯條嘅朋友千萬不要錯過。餐廳環境好舒適，唔會太逼，個感覺好free，而且地理位置好方便，鄰近油麻地地鐵站，樓下又有好多巴士坐，玩耐左都唔怕無車返屋企 帶左兩個朋友黎，佢地都話會再推介朋友黎光顧，呢間cafe 絕對物超所值。