IPC Foodlab (Closed)

加班辛苦，要獎勵下自己，問住粉嶺嘅同事邊度有好餐廳！佢話呢間在工廠區內嘅西餐廳唔錯，所以收工就去試下，餐廳在平板工廠區內顯得好特別，好歐式嘅感覺，入內裝修唔華麗但令人舒服，樓底高無壓迫感，木桌椅好平實唔花巧！有店員招呼我坐在牆邊二人枱，玻璃枱面放咗香草乾！環境乾淨企理！店員放低餐牌比我慢慢睇！牆上貼了食品介紹，餐牌亦有好多餐廳選料嘅介紹！叫了食物慢慢上！要有耐性！伯爵茶：跟餐，玻璃透明杯！茶包好精緻，茶味濃唔澀，沖2次水都仲有味！加錢跟晚餐沙律：份量大，蔬菜種類多，每種蔬菜新鮮juicy!芒果醬唔多，只係吊下味，酸酸地好清新！每種蔬菜嘅原味都好突出！慢煮美國西冷扒：賣相好靚，落單時無問牛扒要幾成熟！上菜時大約5成熟！肉質好滑，唔使加黃芥辣，牛味濃！淋身唔韌！藍莓朱古力餅： 店員話係是日精選，西餅唔係好大件，朱古力味濃，餅身幾挺身，藍莓醬少許酸，可以解膩，配埋伯爵茶剛好！食物真係好味，好吃在每種食材嘅原味好突出，加適量調味提升味道！店員有禮貌有笑容，而且一路食一路觀察住我食嘅速度，食完一樣先上另一樣！唔會迫住食！好舒服！伯爵茶店員會主動幫我加熱水，唔止一次，係每次飲到剩一半，店員會自動行