Cull ’N Pistol Hong Kong (Closed)

今日去西灣河蘇豪區嘅Cull'N Pistol 為朋友慶祝生日食晚飯，我哋叫咗一個Burrata Ham，新鮮好味有豐富蛋白質嘅水牛芝士係我最鍾意嘅食物，呢道菜除咗有一舊大大嘅水牛芝士，仲有火箭菜同埋好多鹹香味嘅巴馬火腿，配上幾片香脆嘅酸種麵包，有益飽肚又健康。酸辣大蜆意粉都好吸引，蜆都好大隻又多，新鮮又鮮甜，意粉吸左蒜辣大蜆嘅鮮甜汁液，令我哋好滿意。香脆軟殼蟹漢堡配薯條，睇落去都好吸引，order左一份，都冇令我哋失望。軟殼蟹炸到脆卜卜，加上洋蔥蕃茄醬汁，味道好夾。仲有好多香脆嘅薯條，食到好飽。朋友叫咗一杯梳打飲品minty grape，有薄荷葉同埋葡萄，酸酸甜甜都幾好飲。慶祝生日喺呢度都唔錯，環境好又舒服，可以望到海，食完飯可以出去行吓，真好！