Video
Read full review
2016-05-22
1676 views
今日同媽咪喝茶預祝母親節。難得一年一度慶祝母親節，慰勞一下勞苦功高的媽咪,肯係揀間好D同個view和環境好D啦𠱁下媽咪啦。我貪佢呢間陶源個view一流,超級無敵落地大玻璃,對面就係半島,再跳望就係港島,無遮無擋,成個維港盡收眼廉。如果晚上book圍同家人聚首一堂睇維港煙花,正!!呢道價錢比半島相宜得多,但景觀卻不遜於半島,性價比高!!陶源呢道除左傳統點心外,仲新出左好多健康新派fusion點心,用左D西式食材,以中式點心呈現比食客,不俗。安格斯牛柳天鵝酥($40/2pcs)呢款點心採用平時通常西餐先安格斯牛柳做餡,用好似中式芋頭酥外層或潮洲月餅皮作做酥皮,咬下去外脆內軟,安格斯牛柳的油脂肉汁有齒頰留香效果,讚!松露鵝肝醬煎包($30/3pcs)松露同鵝肝醬都係比較西式的食材,但係酒家就採用好似製上海生煎包做法泡製此包點,每個包上面都有一塊脆片,令到果包咬每一口都脆卟卟,非常可口,推介!烏賊特級牛柳腸粉($39)墨汁通常都用於西餐,今次用於腸粉皮,最好係不像墨汁意粉,呢果腸粉5會食到牙齒變黑。值得欣賞此腸粉十分清爽,不像傳統腸粉油淋淋,食完不會泄,但好夠味(不是味精果種),係我今次最滿意
我貪佢呢間陶源個view一流,超級無敵落地大玻璃,對面就係半島,再跳望就係港島,無遮無擋,成個維港盡收眼廉。如果晚上book圍同家人聚首一堂睇維港煙花,正!!呢道價錢比半島相宜得多,但景觀卻不遜於半島,性價比高!!
陶源呢道除左傳統點心外,仲新出左好多健康新派fusion點心,用左D西式食材,以中式點心呈現比食客,不俗。安格斯牛柳天鵝酥($40/2pcs)
呢款點心採用平時通常西餐先安格斯牛柳做餡,用好似中式芋頭酥外層或潮洲月餅皮作做酥皮,咬下去外脆內軟,安格斯牛柳的油脂肉汁有齒頰留香效果,讚!
松露鵝肝醬煎包($30/3pcs)松露同鵝肝醬都係比較西式的食材,但係酒家就採用好似製上海生煎包做法泡製此包點,每個包上面都有一塊脆片,令到果包咬每一口都脆卟卟,非常可口,推介!
烏賊特級牛柳腸粉($39)墨汁通常都用於西餐,今次用於腸粉皮,最好係不像墨汁意粉,呢果腸粉5會食到牙齒變黑。值得欣賞此腸粉十分清爽,不像傳統腸粉油淋淋,食完不會泄,但好夠味(不是味精果種),係我今次最滿意的其中一款。
黑松露野菌冬菇包($36/3ps)呢款包的造型唯肖唯妙,無論近睇定遠觀都極為像真!!摸落去的手感好像真-冬-菇！！咬下去十分鬆軟,這款是咸點,味道一般,不過造型真係好得意,令人愛不惜手,極讚!!
佢果D新式點心不少都採用健康食材,而且比較少油,無禁油膩藜麥野菌素餃
一聽個名就覺得好健康,藜麥有豐富奧米加3，可降低血壓和膽固醇，對心血管和心臟的健康很有幫助。而它低脂、低熱量、低糖，又有豐富纖維而不含麩質，健康人士之選！入邊有好多雜菜同野菌粒,全部切到差不多大小,餡有D像宮保雞丁,我媽味道讚口不絕,話夠健康清淡喎。
冰花葛仙米絆360奶凍($29)這甜品造型十分精緻,好像一條鯉魚塘中暢泳。味道十分清甜,不是死甜。鯉魚奶凍估計用北海道360牛乳製作,所以奶味濃郁。拌埋糖水中的榖物豆類(類似薏米,綠豆),健康透心涼。
我亦叫左2款飲茶必食傳統點心,蝦餃燒賣。笋尖原隻鮮蝦餃(特點/$40/4pcs)
蝦餃飽滿爽口,不俗。原隻鮑魚燒賣($68/2pcs)
每粒燒賣都有隻原隻鮑魚,幾爽囗彈牙,不過調味不足,同埋5係幾抵食。這酒家飲茶時段都有其他主食(炒粉麵飯等等),不過我們太飽,所以最後叫多過小菜就算。
蒜片牛柳粒（$78)
極力推介這小菜,十分惹味！牛柳粒甘香味濃,肉質焾而不韌,小炒火喉十足,正。最讚是牛柳粒下拌着未煮生菜絲,而不是油淋淋蔬菜,中和小炒油膩感。
Post
