NOC Coffee Co.

Open Now

Now Closed

NOC係唔少人大推好食、打等開會、做野、傾八卦嘅地方，全因佢最多可以坐兩個鐘，非常慷慨，亦反映咗喺價錢上，某啲菜式相比同類cafe較貴，而咖啡收費亦唔平，但質素並沒有好似價錢一樣上調，其實就唔太合格。總括來講，如果你期望有天堂級嘅野食有好大機會會失望，但如果你坐得耐，NOC係值得你去嘅地方。*素食沙律 $118非常豐富嘅沙律，沙律菜非常新鮮，芝麻醬汁香濃又濃稠，撲鼻而來。烤南瓜粒、鷹嘴豆、車厘茄、整個無花果一開四、半個切片牛油果、藜麥、流心水煮蛋、醃紫洋蔥，多元化配料都好新鮮，值得一讚係牛油果新鮮冇爛，但無花果同車厘茄質素差啲，兩個都唔夠甜。酸種麵包同樣差，酸味零，麥香零，而且烘得過耐，脆到硬。Regular SOE latte (+$30)拉花、mixing都唔差，但咖啡香味弱。飲落咖啡味奶味半半，但奶香略為不足，咖啡過苦有種燶味，唔似朋友推介俾我所講嘅焦糖鳥結糖味。