岩盤牛扒ミディアムレア ステーキ (北角匯三期)

Open Now

Now Closed

今日同事介紹左嚟呢間岩燒牛扒食lunch，入到去座位係舒服既，而且啲生肉都好肉幾靚咁，咁就試下啦。呢度有定食同石燒牛扒可以選擇。我同事就叫左個200g石燒既封門柳，點菜既時候，切肉師傅會即係拎舊肉出嚟切同磅再收錢，然後就等廚房執。同事叫左3成熟，睇落去都中規中舉咁。同埋可能太簿，好快就好熟同冇乜肉汁。而我自己就叫左個鰻魚燒牛丼，鰻魚普普通通，冇乜味。燒牛十分之鞋，亦冇牛肉香味。而燒汁既味亦都唔夠。🤢加配既沙律就都算新鮮既，只係略嫌唔夠沙律汁咁。加配既湯裡面既牛肉渣真係令人摸不著頭腦，十分之鞋同無味，其實你可以選擇唔俾啲湯渣我架。