岩盤牛扒ミディアムレア ステーキ (北角匯三期)

Open Now

Now Closed

最近我來到北角的岩盤牛扒，品嚐了他們的午市定食，特別是和風咖喱吉列豚肉價格僅需 $50這家餐廳以其精緻的牛扒聞名，但他們的定食也絕對值得一試。環境岩盤牛扒的裝潢簡約而現代，餐廳的光線柔和，營造出舒適的用餐氛圍。座位間距適中，讓顧客享有一定的私密性，適合商務午餐或者與朋友聚餐。食物和風咖喱吉列豚肉的呈現十分吸引，豚肉外酥內嫩，炸得恰到好處，配上特製的和風咖喱醬，增添了豐富的風味。咖喱的香氣濃郁，但並不會過於辛辣，恰到好處地襯托出豚肉的鮮美。定食還附有白飯和小菜，白飯與咖喱相得益彰。小菜的選擇也很用心，提供了一些清爽的口感，平衡了整體的味道。 服務服務方面，店員熱情友好，對菜單的介紹也相當清楚，能夠根據顧客的需求給予建議。上菜速度迅速，讓人感受到他們對顧客用餐體驗的重視。總結岩盤牛扒的午市定食非常划算，和風咖喱吉列豚肉更是讓人驚喜，無論是味道還是份量都相當滿意。如果你在北角想要享用美味的午餐，這裡絕對是一個不容錯過的選擇。期待下次再來嘗試他們的牛扒！

｢富士山石板牛扒飯｣藍白色嘅日本富士山🗻飯,再配上大塊新鮮牛扒,及香脆粟米粒,分量十足!仲可以自由選擇不同部位嘅牛扒,牛柳､牛板腱及封門柳3種,我呢份係午板腱,味道及咬口都唔錯,可惜富士山🗻飯太乾了,反而添加嘅白飯就好香口,富士山頂嘅飯素都好好味!不得不提嘅係枱上面放嘅飯素辣辣地好好味👍除此之外,雪糕冬甩都係非常有驚喜,因為我係即炸即食,好好味!不過有少少意見就係冷氣唔夠,如果冷氣可以改善吓就好啦😬

真心覺得唔錯，值得推薦！平時經過以為好貴，但係睇真啲個餐牌其實價錢好合理，以後會再黎幫襯。2個人食午餐，叫咗個牛柳+黑豚梅花肉餐，同一個燒牛肉丼餐，每個餐都跟麵豉湯同沙律，份量啱啱好，食完剛剛好8成飽，非常滿足。攞嘢食時個職員會教你點樣食，佢提醒啲燒汁唔好淋落個鐵板度，而係俾啲肉點黎食。首先個沙律有驚喜，芝麻醬調配得啱啱好，沙律菜包括椰菜絲都好新鮮爽口，一開始就有個好印象。牛柳+黑豚梅花肉肉質柔軟，特別塊牛柳熟嘅程度啱啱好，裏面仲有少少粉紅色，食入口煙煙韌韌，配埋個柚子燒汁撈飯食，簡直一流！燒牛肉丼嘅燒牛肉稍為有啲硬，但係佢味道唔錯，反而最好味係個洋蔥，索晒啲汁，又唔會太腍，食落口仲有少少爽。最後加$15要多4粒雪糕糯米糍，味道一般，可以唔叫。

今日中午時間，諗住呢個舖頭人少少又半自助咁滯應該Ok, 門面望落去都乾淨闊落，擺喺度嘅牛扒望落去亦都相對吸引，所以就入去試試，入到去無人招呼都預咗，估唔到點餐都要睇個呀姐面色，成間舖咁大已經得個5-6枱，4個呀姐就掛住吹水，同我落單嗰個最「正」，落單時態度惡劣仲要加理解力低，落單要我重複多幾次冇所謂，起碼有少少基本禮貌啦，老馮咁黑面要個客重複多次，我忍唔住爆seed，而佢夠膽死可以鬧返個客轉頭，仲要我坐低都仲隔住塊玻璃鬧我，作出挑釁行為。我老公見到都忍唔住叫佢哋退錢，寧願去第二度食。明白香港飲食業難請人，但係如果呢間食肆嘅老闆又或者投資者睇到呢則評論，煩請檢視一下你啲員工嘅質素同工作態度，因為佢哋真係好趕客，星期日中午都淨係得幾台嘅生意，服務係點真係心知肚明。如果服務咁差，食材就算幾好，都係好難生意好！

如標題….好鹹…同老公經過，食咗個二人前，抵食嘅。精選牛肉唔錯，但係鰻魚飯就一般，鰻魚好似gelly咁。牛肉飯就好鹹，麵豉湯反而係正常🥲唔介意三高可以去試下環境坐得舒服，但冇提供餐巾紙，可能要問職員掛………………………………………………………………………………

今晚試咗依間喺北角匯地下嘅自助燒牛扒專門店🥩佢有唔同嘅部位可揀，重量都可以自～自己去櫃枱嗌嘢食，店員姐姐頗有性格，愛理不理，嗌嘢食好似阻住佢做嘢咁，難搞🙃嗌完嘢食後，姐姐就會即刻從凍櫃拎出牛扒，輕輕一切然後將牛扒放上磅磅重⚖️可惜容人睇唔到究竟有幾重，唯有相信😉✴️200g 封門柳✴️店員預先會先煎扒到3成熟，再由熱石板煎熟🔥封門柳肉味較淡，不過質感幾好，記得要加鹽同燒汁食，會加返好多分🤟🏻✴️220g 肉眼牛扒✴️肉眼脂肪較多，肉質再柔軟啲～依塊肉眼幾厚身，如果唔鍾意太生嘅肉的話，記得要先切開一塊塊再煎熟，否則到最後塊板就唔夠熱，會煎唔熟🙈

今日收工喺openrice搵食過咗嚟北角食牛扒，餐廳喺香港有好多分店，就喺我公司附近所以就過咗嚟，餐廳性價比都唔錯的今次叫左現切牛扒，富士山石板牛扒套餐現切牛扒揀左肉眼200克8/10分，再追加三文魚子，牛扒是用石板燒的。自己可以調熟度，價錢唔算貴性價比高的，三文魚子。配埋白飯非常配搭啲味道好富士山石板牛扒套餐8/10分。今次搞咗牛柳配埋富士山飯，值得打卡收藏，+5元。就有特飲，波子汽水加雪糕配搭得非常好

今日工作來到北角，和同事在北角滙三期的「岩盤」食晚飯，想不到平民價錢都能食到咁高質的牛肉，還有很多牛部位選擇呢！讚！《 壽喜燒 ～ 日本和牛及美國安格斯肩脊肥牛》$138壽喜燒食材豐富，連爐具一齊上枱，有紹菜、金菇、香菇、豆卜……，很快就煮滾，日本和牛及美國安格斯肩脊肥牛切成薄片，各有特色，淥一淥就食得，正。客人還可以選擇配飯或是烏冬。《300g牛柳》$177加配飲品和沙律$30即切即磅的牛柳很抵食，在櫃檯磅完後再自選青蔥或蒜蓉，連熱辣辣鐵板一齊上枱，自己控制生熟程度。牛柳肉質軟嫩，脂肪含量低，就算熟啲都不會‘’鞋‘’口。沙律菜還有溫泉蛋呢！

今晚去左北角細妹新匿,跟呀妹一家行去海旁, 經過見到岩盤牛扒開左分店, 裝修仲似去左日本咁,吸引到我一於去食..餐廳是先付錢後取食物.價格豐儉,正牛扒套餐-肉眼200G,店員會係你面前量牛扒重量.絕對均真, 牛扒鐵板上按自己喜愛熱度,我比較LIKE5成,肉眼咬口豐富,唔韌,再灑上粉色岩鹽更提升.再追加25蚊吉列豬扒,炸得十分脆口.小朋友至愛壽喜燒選.日本和牛加牛肩.和牛雪花平均,脂肪集中, 10秒內可食,入口即化, 質素果然不錯,湯底內有娃娃菜,香菇,腐皮,湯底加和牛越滾越入味,最後煮埋烏冬連湯都沽清, 大滿足.加十蚊有杯雪糕.正整體地方不錯, 環境很舒適,下次再食先

今日係北角附近工作夜晚放工穩野食係街鋪見到呢間店我見座位好寬又唔使等位馬上入咗去哇 好多肉肉既選擇可以食排又可以食火鍋性價比好高超正下次過來呢邊可以繼續食哈哈期待下一次的美食😊

呢度做嘢啲呀姐，工作態度都幾hea/差😂首先，我朋友對菇係敏感嘅，要知道敏感可以好大穫，嚴重係危及生命唔係痕腫咁簡單，再三強調要走菇，佢地都照落左，同返佢地講話佢地唔記得走菇，態度都有啲差。然後我朋友落單，想要一半日本牛$138隻壽喜燒，呀姐又話冇喇喎，得返$98果隻，咁好啦。然後我落單，叫$138果隻壽喜燒，突然又話有喇喎😂見到可以加$28有杯生啤，就叫埋啦，點知睇單見到係原價$38，就同佢講應該係$28先啱，呀姐求其答一句，優惠冇左架喇，我：「下點會冇呀」，佢對住部機㩒兩㩒又㩒到$28喇，即係佢求其答啦😂😂呢間舖啲人亂嚟，明明得兩枱客，員工又勁多，擺明超得閒，係hea你囉壽喜燒正常嘅，味道ok，份量係幾好夠曬飽，湯底就普通，冇乜甜味唔太似壽喜燒，本身性價比ok，但呀姐啲服務態度攪壞曬成件事差評係俾啲呀姐嘅👎🏻👎🏻👎🏻

今日在這邊看戲後，於附近晚餐，逛著逛著，就看到這家熟悉的牛頭招牌，黑蔴蔴閃令令好顯眼。曾光顧將中分店，知道這家品質，所以一家三口在此晚餐。 牛肉壽喜燒  餐牌叫牛肉鋤燒     美國安格斯肩脊肥牛配烏冬小米想自己一鍋獨食。 肥牛紅多白少不太肥，以肉質為主，感覺健康左! 最難得係小米肯食菜。偷來一條烏冬，爽滑彈牙。 富士山石板牛扒餐~封門柳有三款部位，特別喜歡封門柳。封門柳係橫隔膜的肌肉，嫩滑之餘，肉味又濃郁。切一舊，先嚐原味，下一件沾上特制醬汁。雖然塊扒好厚身，但肉質夠鬆化，無需太多牙力，就可以嘆到靚牛，所以選封門柳係正確的。反轉富士山，底部的米都變成飯焦卜卜脆。推冧藍色的飯，跟粟米拌勻，灑上黑椒，岩鹽，同時飯粒可以將石板上的肉汁精華吸乾吸淨，一滴也不浪費。 牛板腱石板餐   職員下刀，牛板腱有多少，就按重量計價。大大塊牛板腱，熱辣辣呈上，透著一間間的坑紋，但中芯位仍是粉紅色，慢慢以烤板加熱吧！灑上即磨黑椒和粉紅岩鹽，配大量蒜蓉一起享用就更美味。用餐後要自行把餐盤放到返卻口。

今日來到北角呢間岩盤牛扒，第一次食即叫即切即磅的西冷，呢間石燒牛扒好正，$162有200g，切完之後就會即刻磅，另外我哋仲叫咗一個和牛Sukiyaki，都係自助形式，先付錢然後坐低，跟住呢佢會比收據你，然後你坐喺度等叫號碼，叫到你嘅號碼就出去取我想話個石燒西冷好掂，極之欣賞呢個石燒版，佢的傳熱度好高，隔咗好耐都仍然聽到沙沙聲，即叫即切嘅感覺就好似喺街市買肉嘅時候，感覺食材非常新鮮，呢個價錢食到咁新鮮嘅西冷其實好抵，件西冷好有肉味，好juicy ，桌上另外有岩鹽自己調味另外叫咗一個和牛Sukiyaki，見到啲和牛雪花好靚，真係高質的牛，另外仲有娃娃菜，菇，腐皮做配料，配上甜醬油做湯底順帶一提：另外呢食完之後，自己收拾放喺架到

即叫即磅 👏🏻 根據你自己嘅需要, 食幾多自己話事 💯咁岩今日家長日完咗, 就帶埋小朋友一齊去北角匯食飯 🤩岩盤位處大型新晉商場北角匯，食完飯可以行吓海皮 👏🏻北角匯經常舉辦不同活動, 適合一家大小或與朋友我哋叫咗三樣嘢😄 +兩罐無糖可樂 即切即磅西冷牛扒+富士山牛扒(肉眼) 飯 + 牛肉蛋烏冬牛肉肉質新鮮 💯 廚師煮得啱啱好 👍🏽就算揀西冷位置冇咁多脂肪都覺得香口好食 😋配料仲可以揀洋蔥🧅蒜頭🧄青蔥等⋯⋯ 烏冬好滑湯底都好好味 🤤 而且總消費先係$356 👍🏽

🐮岩盤ステーキ 北角匯即切牛扒套餐、壽喜燒😋牛扒套餐：封門柳牛扒🥩，價格根據牛扒大小計算。搭配牛扒的香蒜🧄，這能給牛肉增添一份獨特的香氣。如果你想轉換成套餐，需額外支付30.0元，裡面包含白飯、和風湯和可樂⋯⋯多個配菜選擇。這樣的套餐組合能讓你在品嚐牛扒的同時，享受到豐富的配菜和湯品。好肚餓嘅關係，再追加左多只溫泉蛋🥚，都只需支付12元。壽喜燒：有三款牛肉選擇，🇯🇵和牛都只係168.0元。搭配壽喜燒的還有飯或烏冬麵，你可以根據自己的喜好選擇。這道壽喜燒嫩滑的和牛肉質，絕對能帶給你一個美味口感。天氣咁凍🧊，食個鐵板燒、火鍋壽喜燒🔥，成個人暖晒🌞