NUTTEA (兆英商業大廈)

Open Now

Now Closed

成日聽人講NUTTEA堅果茶好好飲好特別，今日終於去試下啦。位於中環中心附近既NUTTEA，位置非常方便，一入到去就見到好多唔同種頪既堅果擺設。伯爵堅果朱古力奶蓋茶 $47去到NUTTEA，當然要試下佢地Top 1既伯爵堅果朱古力奶蓋茶啦，職員話佢地限量每日只賣100杯，奶蓋有好濃厚既朱古力味，感覺好似食緊就黎溶既朱古力雪糕，職員仲俾咗木羹我，方便食奶蓋。奶蓋茶茶味香濃，飲落可以中和返濃厚既朱古力味，幾時都話朱古力同紅茶係朋友黎架啦。栗子蒙布朗堅果奶 $42只限熱飲既季節限定栗子蒙布朗堅果奶有好重既堅果味，而經過打磨後亦都飲到堅果蓉，而且飲落有陣陣既栗子味，適合冬天既時候飲用。