千の味刺身壽司專門店 (海福花園商場) (Closed)

平時byob就試得多，今日去探朋友個bb，為避免上屋企麻煩， 就租咗個會所宴會廳食晚餐和飲酒。 外賣壽司在我來說就只有一個選擇-千之味。 平時點千之味我會嗌夠$500，然後送貨，但今日因為附近就已經有千之味，所以我哋就用外賣自取的方式。 前菜我揀了蟹籽粟米沙律，我好鍾意呢個沙律的原因是因為大量的青瓜絲，青瓜爽口，蟹籽的口感是其他食材無法取代，每次食千之味都不可或缺的前菜。 壽司點了海膽壽司，青瓜壽司，藍鯨吞拿魚壽司， 火炙芝士熟蝦， 火炙黑椒三文魚， 辣味螺肉， 燒左口魚。 壽司飯有少少甜味又有醋香，夾起亦唔會鬆鬆散散，高質美味。海膽新鮮，香甜美味。 藍鯨吞拿魚爽口，帶微微的魚油脂肪，唔會食完成口油膩感，兩款火炙壽司都做得好好，左口魚油脂的味道夠香。 總括而言，就是抵食夾大件。壽司的材料新鮮，壽司飯做得出色， 所以千之味的外賣壽司係我不二之選。