Video
Read full review
2006-02-13
3 views
就係o係Habibi 叫set dinner o勒!我同個friend 昨晚八點幾入去. 一人叫左一set, 一個set 包一個湯, 一個頭盤, 一個主菜, 一個甜品. 飲品自己另外叫.首先個soup: 我估係菜湯加大量香料. 我個朋友話好似o的印度湯, 好味.一人一個頭盤: 我叫左Delta, 即羊奶芝士沙律, 個朋友叫waitress recommend, 結果o黎左一個應該係菠菜芝士酥皮批o既dish, 外加兩片pita bread. 我個沙律好新鮮, 個羊奶芝士係炸左o既, 好特別, 我個friend 個pie 都勁正... 不過我個friend o係o個一刻已經覺得有少少飽, o係度話後悔之前五點幾食左下午茶! 兩片pita bread 仲剩左一片o係度, 食左個片有八成都係我搞掂o既.主菜: 我食羊肉kebab, 個friend 食魚. 我個main course, 嘩! 一大碟, 半碟羊肉連洋蔥, 半碟沙律, 又o黎多一片pita bread! 我個friend o個邊就一大片好厚o既魚外加一大堆couscous! 我之前好肚餓, 食左大半碟都要停! 係好味o架, 不過太
我同個friend 昨晚八點幾入去. 一人叫左一set, 一個set 包一個湯, 一個頭盤, 一個主菜, 一個甜品. 飲品自己另外叫.
首先個soup: 我估係菜湯加大量香料. 我個朋友話好似o的印度湯, 好味.
一人一個頭盤: 我叫左Delta, 即羊奶芝士沙律, 個朋友叫waitress recommend, 結果o黎左一個應該係菠菜芝士酥皮批o既dish, 外加兩片pita bread. 我個沙律好新鮮, 個羊奶芝士係炸左o既, 好特別, 我個friend 個pie 都勁正... 不過我個friend o係o個一刻已經覺得有少少飽, o係度話後悔之前五點幾食左下午茶! 兩片pita bread 仲剩左一片o係度, 食左個片有八成都係我搞掂o既.
主菜: 我食羊肉kebab, 個friend 食魚. 我個main course, 嘩! 一大碟, 半碟羊肉連洋蔥, 半碟沙律, 又o黎多一片pita bread! 我個friend o個邊就一大片好厚o既魚外加一大堆couscous! 我之前好肚餓, 食左大半碟都要停! 係好味o架, 不過太飽啦!!! 我個friend 食完塊魚都已經投左降.
甜品係兩個炸o既波波形物體, 加糖漿同埋cream 食. 個波波形物體質地似我地o既少油版o既油炸鬼, 唔太甜, 幾得意幾好食, 所以我地兩個都食得晒!
我地兩個都有飲fresh mint tea, 仲叫左兩round. 我覺得佢個味道同我以前識o個o的北非朋友整o既茶一樣咁好味, 飲得好開心.
個environment... 據我所知, 北非人都係坐o係地氈食飯吹水, 呢度就冇o勒! 我今次o係呢度就係坐o係梳化o個邊一個角落, 都叫幾好mood.
我會再o黎試其他野.
Post