759車仔麵 (Closed)

11-11-2015 (Wed)同男支繼續努力執o野,又執到咁上下,男友話食晏.,又食咩好呢?男友話759車仔麵,啊.我o地o黎到,見到$36.00o既兩餸飯重平過車仔麵,於是我叫飯,我要栗米班腩同時菜炒雞球,飲熱華田.男友要$38.00o既鹵水雞髀煎蛋飯,飲熱檸水.買完坐低等,有職員送上,冇耐,男友o既鹵水雞髀煎蛋飯到o黎,睇見好吸引, 雞髀大大隻, 鹵水汁又多.然後我o既栗米班腩,時菜炒雞球飯到o黎,睇見唔多吸引.我先食我o既飯,栗米班腩o既粟米幾甜, 班腩外面仍脆,魚肉唔鯹,可以.而時菜炒雞球就稍為遜色,唔係話口感,而係味道,一啲都唔惹味,而且兩個汁都唔多,要乾哽白飯.而男友o既鹵水雞髀煎蛋飯呢,相對地夠味, 雞髀仍嫩滑, 鹵水真係好夠,唔使乾哽白飯.最後我杯熱華田變o左熱好立克,因為男友叫錯o左.唔緊要,只係想話,熱好立克o既份量同奶茶咖啡o個類一樣咁少,而唔係茶餐廳o個啲咁大杯.不過呢o度o既清水係任斟.