Video
Read full review
2021-12-22
1240 views
今日冬至早收工，所以跟朋友黎左將軍澳呢間西餐廳早點食飯，裝修很modern，店員安排左卡位比我地，點左一個午餐set及甜品。煙三文魚蟹籽南瓜意大利飯餐湯$78可另加精選蛋糕$19: 煙三文魚肉質鮮味，蟹籽脆卜卜，碗上有2片脆口的南瓜天婦羅，用上南瓜汁伴飯，飯質粒粒分明帶有濕潤，粒粒飯包滿南瓜汁十分香又不太鹹，還有個南瓜餐湯，是用南瓜和鮮茄攪拌而成，上面再加上忌廉，味道十分可口。可加$19有件精選蛋糕，可以在雪櫃內選擇，本人選擇左一件朱古力芝士cake, 充滿聖誕氣氛裝飾，朱古力內帶有芝士香味，都好好味，如果飯後喜歡食件甜品，這個真不錯的選擇。朱古力麻薯窩夫$68: 這個我最為喜歡，窩夫很厚身內有麻薯餡，有好多地方可能慳麵粉做得比較薄，而這裡請放心，非常豐厚一定滿足，食落口煙煙韌韌又軟軟綿綿，加上有幾片黑朱古力脆脆片和脆口杏仁片，仲有1個朱古力雪糕球，窩夫暖暖而朱古力雪糕凍冰冷，夾得非常好，有口感仲有層次感，我最愛啦～奇異果乳酪酸梳打$15: 帶有鮮奇異果汁味，乳酪酸酸地，飲落口感覺清甜酸酸非常適合配埋蛋糕一齊食！+++++++++++++++如果大家喜歡💕我寫既食評，麻煩比個❤️鼓勵一下
今日冬至早收工，所以跟朋友黎左將軍澳呢間西餐廳早點食飯，裝修很modern，店員安排左卡位比我地，點左一個午餐set及甜品。
煙三文魚蟹籽南瓜意大利飯餐湯$78可另加精選蛋糕$19: 煙三文魚肉質鮮味，蟹籽脆卜卜，碗上有2片脆口的南瓜天婦羅，用上南瓜汁伴飯，飯質粒粒分明帶有濕潤，粒粒飯包滿南瓜汁十分香又不太鹹，還有個南瓜餐湯，是用南瓜和鮮茄攪拌而成，上面再加上忌廉，味道十分可口。可加$19有件精選蛋糕，可以在雪櫃內選擇，本人選擇左一件朱古力芝士cake, 充滿聖誕氣氛裝飾，朱古力內帶有芝士香味，都好好味，如果飯後喜歡食件甜品，這個真不錯的選擇。
朱古力麻薯窩夫$68: 這個我最為喜歡，窩夫很厚身內有麻薯餡，有好多地方可能慳麵粉做得比較薄，而這裡請放心，非常豐厚一定滿足，食落口煙煙韌韌又軟軟綿綿，加上有幾片黑朱古力脆脆片和脆口杏仁片，仲有1個朱古力雪糕球，窩夫暖暖而朱古力雪糕凍冰冷，夾得非常好，有口感仲有層次感，我最愛啦～
奇異果乳酪酸梳打$15: 帶有鮮奇異果汁味，乳酪酸酸地，飲落口感覺清甜酸酸非常適合配埋蛋糕一齊食！
+++++++++++++++
如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊
Post
