宮葉 パフェ (Closed)

西洋菜南街有好多食肆，通常行完太子商場就會過嚟呢邊食飯，酸辣粉、茶餐廳都食到厭，開了一間新的日本餐廳，價錢又合理，就進來了。主食選擇有拉麵或者飯類，想濕濕地選擇了和風豬軟骨拉麵＄54拉麵質素就非常普通，不過完全想不到這個價錢有沒有加一服務費竟然可以有咁多料！雲耳，糖心蛋都有！糖心蛋真係有流心，口感好滑又甜；雲耳唔多不過勝在夠爽。坦白講湯底平平不過可以接受，起碼價格已經贏晒。意大利芝士餅雪糕芭菲＄46上面一層忌廉幾鬆的，另外芝士餅甜甜的，吸引味覺。中間有雪糕，質素唔錯！最底部有一啲好似早餐穀物食品，又甜又鹹咁好特別，講唔出系邊一款味道，不過配搭上好match。無論係甜品抑或主菜價錢都好合理，而家周圍已經搵唔到呢個價錢嘅日本野，當係食普通一餐都值。