Yatai Plus

Open Now

Now Closed

識睇既當然唔會睇正評啦，你懂的。我就揀負評睇。見有人寫魚係腥既，心中一沉，係有擔心既，但今日真係想食刺身飯，本著試伏心態幫襯左。去到舖頭滿座，當時未夠一點，仲有人等緊位，生意算唔錯。我就決定外賣自取。叫左個午餐魚座丼，連一支凍綠茶$98。我呢個就無腥味既，正常貨色，無問題，真係想食可以一戰，但就絕對唔會掛住。三文魚正常、油甘魚弱左少少但都係正常水平，個飯硬左少少同無乜醋味，但可以接受。支凍綠茶就最好。以性價比黎講我認為就略貴，同樣價錢既刺身丼餐有更好選擇，不過就好似附近無，咁就無辦法。