韓日屋燒烤放題 (Closed)

本來諗住同朋友一齊出黎旺角行下，跟住大家都想食埋野先走，咁就唯有就周圍揾下野食喇，跟住見到呢間野有韓燒仲要有埋日本野食，所以就試下。去到果度，好在都算早唔會太多人。刺身拼盤餐廳送俾每位顧客一人一隻大蝦，其他刺身就基本上係任叫嘅，大蝦好大隻入口好有口感，夠晒彈牙又幾鮮甜。不過如果可以任叫嘅話就更好喇，其他野質量都好好，入口新鮮。天婦羅天婦羅上枱嘅時候熱辣辣，又夠脆身，絕對令人有驚喜嘅感覺羊排，入口都幾軟綿綿，唔會太蘇，岩晒果啲唔鐘意果陣蘇味而又想食羊嘅人。牛肉粒真係唔錯嘅，牛肉味濃，肉質又唔會韌牛舌，醬料入味，切唔算太薄燒得都算容易，而家好快就熟，值得一試。餐廳係限時兩個鐘，不過絕對就夠時間食，因為呢度有好多野食，有刺身，壽司，不同嘅日式料理好似天婦羅同埋拉面，仲有人參雞湯等等韓式料理，最緊要係佢仲有爐係食客面前，可以邊食刺身邊燒肉。