Pickabowl (京瑞廣場2期)

Open Now

Now Closed

剪完頭髮，睇到附近開咗間賣健康餐嘅餐廳，餐牌上嘅選擇妥多，咁又走去試一試。時間係下晝六點幾，人流唔多，餐廳內除咗我，只有另外一台客。我揀咗D.I.Y.，肉類要咗三文魚同鷄胸，蔬菜要咗彩虹組合，配上黃薑椰菜花，另外仲要咗個三文魚菜湯。呢個唔係我食到最好食嘅健康餐，食材算喺新鮮，味道上來講我覺得佢偏淡，雖然視覺上係唔錯，但係味道並唔吸引。至於個湯都幾重三文魚味，唔係好慣飲魚湯嘅人可能會覺得有少少腥。沙田區嘅健康餐廳少，雖然堂食嘅人唔多，但係都睇到app喺度密密送，所以應該生意都唔錯。