OK德海南雞專門店 (天晉滙)

Open Now

Now Closed

今日來咗將軍澳探朋友，到了夜晚肚飯便在附近搵野食。見到呢間ok德海南雞專門店便被佢的海南雞海報所吸引，和朋友一起嘗下佢的招牌海南雞。鎮店之寶 原隻海南雞顏色鮮艷呈淺黃色，雞肉嫩滑鮮甜，雞皮薄而不油膩，多汁豐盛，食得出係用雞湯煮成，香氣撲鼻。龍蝦喇沙摻摻係一碗無用味精的麵，賣相已經好吸引，大隻龍蝦鋪在面，龍蝦肉飽满鮮甜，彈牙爽口，吸收晒喇沙湯底的精華，奶香味濃。摻摻係油麵同米粉兩樣溝在一豌內，口感特別有層次。越式生生肉湯河一端上檯熱騰騰，湯底鮮甜美味，牛肉味濃郁，生牛肉夠薄身嫩滑，加上爽滑的河粉一齊食，口感豐富。今晚呢餐價錢相宜，食物質素都不錯，下次來到將軍澳食飯又有多個選擇了。