南京金陵湯包 (Closed)

嚟呢度同屋企人食晚飯，因為聽講好似ok好食就入去試試。裏面嘅侍應有善有禮，地方也OK乾淨。招牌湯包，應該都係自己整，因為咬咬下有粒軟骨出咗嚟。湯包應該同小籠包有啲分別，雖然餡料差唔多，但係皮會厚一啲。總括來講都OK好食，但我個人比較鍾意皮薄小小啦。招牌擔擔麵，同我平時食開嘅擔擔麵有啲唔同，因為佢加咗少少花椒，所以食落有啲麻辣，比較南京嘅口味。我自己偏向鍾意多啲花生醬，少啲馬勒嘅味道，所以先比三粒星。招牌生煎包，其實食落口感OK，但係皮比較厚。呢個都唔係問題，問題係咬落裡面冇汁,食落比較乾，同我記憶中嘅生煎包好大分別。