Video
Read full review
2018-01-20
55 views
四川擔擔麵 $45本來係登龍街諗住食拉麵 排排下隊過左對面排擔擔麵 都有一排無食上海菜 例牌叫左碗擔擔麵:- 賣相standard- 麵質太淋 明明見啲伙記手脚幾快照計唔會浸得太耐... - 湯底幾好 微辣 擔擔麵最獨特既花生味都出- 份量一般 反正大食之人一定唔夠 不過食得上海菜又點會唔另叫點心小菜食- 價錢可以接受 如果U$40更好小結 麵質係硬傷 其他方面水平都有average 特別適合對麵質無太高要求既朋友灌湯小籠包 $34好好食既一份小籠包! 門口排隊果陣係芝士小籠同灌湯小籠之間摇擺 揀定左入鋪坐底先見牆身貼住話係招牌菜本人都幾鍾意食小籠包 衡量小籠包質素不在特別 只在幾項基本野:- 湯汁: 湯汁係小籠包質素最重要既一項指標 幾款小籠之間揀左呢款都係俾"灌湯"兩個字吸引 結果無失望 肉汁多且鮮 溫度微燙正好放入口 一啖一粒咁食猶為滿足- 皮: 皮薄餡靚特別適合形容小籠包 如果大家厚薄皮都試過 可能都會覺得皮太實太韌有礙口感 我覺得最理想係塊皮厚薄度剛剛足夠夾起而不破 可以完美地鎖住肉汁 呢碟小籠既皮就真係足夠薄- 餡: 肉餡本身品質高唔高好難試得出 我對小籠包用既肉餡只有最低
本來係登龍街諗住食拉麵 排排下隊過左對面排擔擔麵 都有一排無食上海菜 例牌叫左碗擔擔麵:- 賣相standard
- 麵質太淋 明明見啲伙記手脚幾快照計唔會浸得太耐...
- 湯底幾好 微辣 擔擔麵最獨特既花生味都出
- 份量一般 反正大食之人一定唔夠 不過食得上海菜又點會唔另叫點心小菜食
- 價錢可以接受 如果U$40更好
小結 麵質係硬傷 其他方面水平都有average 特別適合對麵質無太高要求既朋友
灌湯小籠包 $34
好好食既一份小籠包! 門口排隊果陣係芝士小籠同灌湯小籠之間摇擺 揀定左入鋪坐底先見牆身貼住話係招牌菜本人都幾鍾意食小籠包 衡量小籠包質素不在特別 只在幾項基本野:
- 湯汁: 湯汁係小籠包質素最重要既一項指標 幾款小籠之間揀左呢款都係俾"灌湯"兩個字吸引 結果無失望 肉汁多且鮮 溫度微燙正好放入口 一啖一粒咁食猶為滿足
- 皮: 皮薄餡靚特別適合形容小籠包 如果大家厚薄皮都試過 可能都會覺得皮太實太韌有礙口感 我覺得最理想係塊皮厚薄度剛剛足夠夾起而不破 可以完美地鎖住肉汁 呢碟小籠既皮就真係足夠薄
- 餡: 肉餡本身品質高唔高好難試得出 我對小籠包用既肉餡只有最低要求 就係唔好鞋唔好太大 因為鞋身影響口感 太大就可能壓縮左留俾肉汁既空間 呢份小籠係呢方面都過到關
最後同大家分享下小籠包既食法:
- 疑似正宗: 先係包頂咬個口子 測試下熱度適合放得入口未 跟住啜哂肉汁 最後先皮連餡食
- 個人最愛: 一樣咬個口子吹吹 輕啜一下feel到溫度咁上下 皮連餡連肉汁一口過
咩食法都好 千祈唔好太心急一上枱就成舊放入口 容易燙傷舌頭
口水雞 $48
口水雞好似係川菜 本身帶辣 凍食我對口水雞一般不過見友人食到唧唧聲應該算唔差 簡單講下幾句 首先係辣度算中辣 唔受得辣既朋友唔好叫 肉質正常 唔鞋唔嫩 份量方面 好細碟咁上枱 實質比起其他餐廳應該無特別少 略嫌雞隻斬得太大件 切多兩刀會好啲 價錢唔平唔貴 算係成餐平食之中價格最高一樣 肉食貴啲都理解 一句過 可以一試
上海生煎包(2個) $18
鋪名叫正宗上海生煎皇 老實講我係有啲期待 有係上海食過地道生煎包既朋友可能會明白 呢幾年黎無係香港食過同等質素講返呢份生煎 見到賣相係有啲驚喜 唔係因為整得好靚 而係同上海見既差唔多 上海既生煎有別香港常見既煎包底而係煎包面 張相見唔到其實反轉呢兩粒生煎正正係煎包面
咬一啖試下 少少失望但又合乎預期 平心而論呢份生煎都幾好食 可惜在肉汁量都係差少少 當年係上海我係一咬就爆汁 難怪記憶猶深 同小籠包一樣肉汁我視為生煎包水平既重要指標 呢兩隻肉汁唔錯 仍然有進步空間
小籠包要皮薄餡靚 生煎包都差唔多 當然生煎包皮當然唔會有小籠包咁薄 呢份生煎其實係幾迷你下 按比例皮既厚薄度同餡料既大細我覺得都ok 強烈建議大家係度食生煎就叫足4個 2個真係有啲唔夠喉
同小籠包一樣 生煎包我覺得都係呢度必叫 其實我自己無論係邊度食上海菜已經係必點呢兩樣 個人喜好
Post
