Coffee Art

Open Now

Now Closed

一支公食午餐，當然預先上openrice睇下呢區有咩好推介，見呢間coffee art評分都高，當然要一試，今次叫左個all day breakfast,原因係因為係openrice食評相幾靚，先講下個餐可以自選沙律或者多士，多士可揀芝麻或者綠茶，咁梗係綠茶喇，呢排咁heat,咁我都先講講綠茶多士味道方面係唔差既，雖然真的只有淡淡綠茶味，但勝在麵包脆卜卜，所以不過不失，沙律方面，本人對沙律冇咩感覺，但個餐既然跟埋，唯有唔好浪費，幸好配搭我最愛既日本芝麻醬，當然唔會難食，加上我一路食係再配埋煙燻三文魚，所以係不錯既!另外整碟中我最喜愛既係牛油炒香既菇菇，超級好味，反而雞蛋我覺得冇咩蛋味，而且較淡口，所以我覺得一般，置於其他菜，如車里茄，雞肉芝士腸，都只是一般，不過的確飽肚，再配埋熱柚子蜜，都算滿足!