新羅寶韓國餐廳 (利舞臺廣場)

Open Now

Now Closed

第一次嚟食，總共五個人，嗌咗五樣肉類燒烤同埋哈海鮮煎餅，翠玉瓜韭菜煎餅，仲有牛尾湯。海鮮煎餅真係唔係幾好食，好粉，我試過好多地方好食過佢好多。翠玉瓜煎餅好淡，唔知係咪應該係咁樣，牛尾湯就幾好味。呢度主要係未試過同埋貪佢有得免費泊車，openrice 9折。可惜我哋平時好鍾意食嗰啲一條條嘅小菜，但呢度款式少到令人覺得奇怪，而且我哋五個人叫五樣肉，可以有多啲唔同嘅款式咁會好啲。而且另外一個問題係醃製好嘅肉類本身啲味都唔夠，甚至乎好似豬頸肉嗰啲係一啲都冇醃，燒完就咁點豉油食我就覺得唔係好好食。所以星期五晚都唔係 full, 我覺得除咗價錢，水準都好有關係。