新廣南餐室

Open Now

Now Closed

唔止一次入嚟食午餐，佢既懷舊皮卡座配襯陳舊綠色格仔枱布，感覺上似停留左係80年代，員工係充足嘅，睇嚟個個都係資深員工，都係佢有佢忙碌我有我食飯個種。老實說此地格局只配食個便飯。佢個餐牌綠色椰香檳影以為係幾十年無換過既馬拉星洲野，但係又搵唔到邊一味係東南亞野，感覺都幾奇妙。睇返佢個餐牌，點睇都係一間茶餐廳掛？之前試過佢個馳名咖喱牛肉飯，咖喱唔算香濃，略多椰汁味，牛肉得幾塊應該係成兜不出黎嘅碟頭飯，今次不了。都係試下佢個廚房工夫穩陣啲。叫咗碟鼓椒牛肉飯，尚算合格，汁底有鑊氣 ，牛肉質地有驚喜，係鮮牛，淰滑有肉味！可惜賣相一般。第二碟叫咗茶餐廳101必修乾炒牛河。充足嘅韭黃，葱段配合爽口嘅芽菜，加上佢既良心牛肉，用既河粉底唔會係幼身個啲，炒出黎夠鑊氣之餘調味恰當帶少少焦香，師傅絕對無欺場，係好食既！總結此餐廳午餐係值得試下佢既炒粉麵飯，多過佢推薦既馬來咖喱既。