Video
Read full review
2006-07-06
1 views
呢間前前後後去過十次左右，一直無意識上來寫comments,直至搵完其它餐廳資料之後突然扯起條筋....第一次幫襯應該係去年，感覺好唔錯，大埔有如此水準的西餐廳令我非常驚訝，侍應服務亦大方得體，睇得出晌高級餐廳或酒店工作過。後來的幾次覺得Oliva漸漸走下坡，食物水準時好時差唔穩定，侍應亦換了其它人，有個仲懶懶閒唔多理d客，服務水平有待改善。侍應外型MK feel無問題，而家年輕人講潮，但服務態度應該好似以前開檔果班甘；有好伙記老闆應該出高少少人工留人，以免壞了招牌。我幾乎每次都係Sunday 3點幾去，無乜人,最記得有次食"lunch", 點了頭盤番茄麵包，居然漏左單，晌我食緊茄汁辣青口(一道要趁熱食的菜)時至拎出來, 食完青口至食佢，麵包已經凍左林左，失去熱麵包配凍番茄粒的真正味道。最離奇的是，呢一餐所有菜都亂哂龍，應先上的後上，應一道道菜上的變成全部一齊上，搞到我地驚食物攤凍哂唔好味而食得好匆忙，最後始終有道熱盤係凍住甘食落肚扣哂分，令我有食完唔想再來的念頭。後來又再去幾次，水準又慢慢提昇番，水平唔夠的侍應已不見縱影，可是...以前上檯的一籃麵包由方型包變為超市的圓型包，數量由四
第一次幫襯應該係去年，感覺好唔錯，大埔有如此水準的西餐廳令我非常驚訝，侍應服務亦大方得體，睇得出晌高級餐廳或酒店工作過。
後來的幾次覺得Oliva漸漸走下坡，食物水準時好時差唔穩定，侍應亦換了其它人，有個仲懶懶閒唔多理d客，服務水平有待改善。侍應外型MK feel無問題，而家年輕人講潮，但服務態度應該好似以前開檔果班甘；有好伙記老闆應該出高少少人工留人，以免壞了招牌。
我幾乎每次都係Sunday 3點幾去，無乜人,最記得有次食"lunch", 點了頭盤番茄麵包，居然漏左單，晌我食緊茄汁辣青口(一道要趁熱食的菜)時至拎出來, 食完青口至食佢，麵包已經凍左林左，失去熱麵包配凍番茄粒的真正味道。最離奇的是，呢一餐所有菜都亂哂龍，應先上的後上，應一道道菜上的變成全部一齊上，搞到我地驚食物攤凍哂唔好味而食得好匆忙，最後始終有道熱盤係凍住甘食落肚扣哂分，令我有食完唔想再來的念頭。
後來又再去幾次，水準又慢慢提昇番，水平唔夠的侍應已不見縱影，可是...以前上檯的一籃麵包由方型包變為超市的圓型包，數量由四個減為兩個(我地兩個人,麵包依人頭計算)，冇得o忝加，這改變對每次都點辣青口，然後用麵包掭辣汁來食的我有點失望。不過唔緊要，我願意加錢食麵包，畢竟辣青口是我的最愛！
ps: 最後無收我麵包錢, 讚!
Pizza：份量好大，侍應話我地可以要細size, 照餐牌價的七折，同下面的網友話六折唔同，我係今年五月食過的。值得一提的是pizza整得好好食，唔同的配料要逐個試下，食要趁熱，多d人去食最抵。
士多啤利千層餅：又係好味士多啤利好新鮮，忌廉即時打的，不過我係打包返屋企幾個鐘之後食，如果趁新鮮食味道更佳。
咖啡：味道濃郁，真材實料，唔係咖啡粉或蒸漏咖啡可比，食完餐個肚仲有空位，值得整番杯。
其它的菜如鵝肝牛扒、茄汁蝦圓型粉,etc...都無令人失望。
食過好多菜，可惜忘記了，將來有機會補番。
謝謝各位
Post