Video
Read full review
2021-10-04
525 views
專登request坐sushi bar，見住壽司師傅喺你面前預備，師傅係香港人，食omakase基本上最少都係過千一位，今次揀咗lunch時間嚟食，價錢相對化算。今次揀咗omakase sushi set，12件壽司加卷物，每個set都包咗沙律，茶碗蒸，烏冬，麵豉湯，甜品。不過打review時發現原來只係食咗11件壽司，大家食omakase時係咪都唔會數住自己食咗幾多件🌝由上至下，左至右介紹，加咗🌟代表推介，所有刺身都好新鮮，🌟只係個人喜愛1.🌟鹿兒島間八，上面灑咗柚子皮，好fresh2. 北海道帶子，對切完比較薄身3. 甜蝦，蝦肉剁碎，配上蝦頭膏及紫蘇花，比較偏好原隻上，因為剁碎咗嘅蝦肉口感欠奉4. 野生銀鱈魚，師傅強調係銀鱈魚bb5. 平靜魚 ，用櫻花木煙燻6. 🌟深海池魚7. 醬油漬吞拿魚，醃咗一晚，不過麻麻哋赤身8. 🌟拖羅 ，用炙燒方式處理，入口即融9. 中拖羅，半肥瘦10. 🌟鮟康魚魚肝，上面鋪咗銀箔，口感滑身，甜甜哋，以前未食過，幾特別11. 🌟北海道馬糞海膽，好鮮甜，份量好多，一啖放入口，超滿足。不過有個小插曲，兩件海膽一齊上碟，但師傅就話一件份量多啲一件份量冇咁多，我
今次揀咗omakase sushi set，12件壽司加卷物，每個set都包咗沙律，茶碗蒸，烏冬，麵豉湯，甜品。不過打review時發現原來只係食咗11件壽司，大家食omakase時係咪都唔會數住自己食咗幾多件🌝
由上至下，左至右介紹，加咗🌟代表推介，
所有刺身都好新鮮，🌟只係個人喜愛
1.🌟鹿兒島間八，上面灑咗柚子皮，好fresh
2. 北海道帶子，對切完比較薄身
3. 甜蝦，蝦肉剁碎，配上蝦頭膏及紫蘇花，比較偏好原隻上，因為剁碎咗嘅蝦肉口感欠奉
4. 野生銀鱈魚，師傅強調係銀鱈魚bb
5. 平靜魚 ，用櫻花木煙燻
6. 🌟深海池魚
7. 醬油漬吞拿魚，醃咗一晚，不過麻麻哋赤身
8. 🌟拖羅 ，用炙燒方式處理，入口即融
9. 中拖羅，半肥瘦
10. 🌟鮟康魚魚肝，上面鋪咗銀箔，口感滑身，甜甜哋，以前未食過，幾特別
11. 🌟北海道馬糞海膽，好鮮甜，份量好多，一啖放入口，超滿足。不過有個小插曲，兩件海膽一齊上碟，但師傅就話一件份量多啲一件份量冇咁多，我即刻黑人問號❓乜suppose唔係一樣份量🤨❓
食晒所有手握壽司之後，師傅會先問你食唔食紫蘇葉，因為最後嘅手卷會加入紫蘇葉。
手卷內包咗吞拿魚蓉，紫蘇葉，紫菜好夠脆，包好晒之後會喺上面鋪一塊金箔，係一塊，而唔係碎碎，金箔其實冇任何味道，都係裝飾用途為主，打卡🤣，呢款師傅直接遞比你而唔係放上碟。
另外總結返咁多件壽司，我覺得魚類太多件，因為見到隔離座位有赤貝/北寄貝望落好吸引，可能就係漏咗比我哋嗰件🥲🥲或者呢個就係omakase精粹，由廚師發辦，但事前都有職員問我哋有冇咩唔食。
餐廳環境好整齊乾淨，食嘅時候都感覺舒服，唯獨成個過程有少少急，壽司同壽司之間嘅時間有啲短。
Post
